影片
更多
2023-04-14
59 瀏覽
打卡尖沙咀新開高質抵食鐵板燒😍😍午市$380起就食到豐富嘅鐵板燒，$880更可享6款海鮮、大大件鵝肝同成條封門柳👍🏻食完晚飯都唔洗食😂首先上龍蝦汁蒸蛋，蒸蛋好滑，上面嘅龍蝦汁好味😋之後就開始上豐富嘅海鮮:日本小長井蠔，蒸熟嘅，好肥美，上面加入黑魚子，增添香味。日本大大粒東風螺，又名黑梅貝，真係好大粒好彈牙，條尾都食得，一啲沙都冇，正。大大粒刺身級日本帶子，加入烏魚子同一片片好靚嘅淡雪鹽，好好味。新鮮大隻嘅南非鮑魚，望住隻生鈎鈎嘅鮑魚慢慢被燒熟有啲不忍，不過真係好彈牙，而且佢嘅鮑魚肝醬非常好味😋炸甘鯛配酸菜魚汁，非常獨特嘅一道菜，魚麟都炸到好脆，雖然係炸嘅，不過配酸菜汁食落一啲都唔油。沙巴大虎蝦，足足手臂咁長，好夸張，隻蝦勁彈牙，佢好特別，用蟲草花汁，個汁好好味👍🏻煎鵝肝，大大塊勁香勁肥美，配多士真係一流，食完之後食菠蘿冰真係絕配👍🏻食完咁多道海鮮同鵝肝其實已經好飽，點知仲有成條美國安格斯封門柳，呢個餐真係份量驚人，牛柳要5成熟就啱啱好，配上昆布絲同wasabi，好夾。以為結束咗，點知仲有高菜炒飯、炒雜菜、味噌湯，同埋勁好味勁邪惡嘅牛油多士😍身為大胃王嘅我都食唔晒啲雜菜，下次真係早餐都唔
首先上龍蝦汁蒸蛋，蒸蛋好滑，上面嘅龍蝦汁好味😋
之後就開始上豐富嘅海鮮:
日本小長井蠔，蒸熟嘅，好肥美，上面加入黑魚子，增添香味。
日本大大粒東風螺，又名黑梅貝，真係好大粒好彈牙，條尾都食得，一啲沙都冇，正。
大大粒刺身級日本帶子，加入烏魚子同一片片好靚嘅淡雪鹽，好好味。
新鮮大隻嘅南非鮑魚，望住隻生鈎鈎嘅鮑魚慢慢被燒熟有啲不忍，不過真係好彈牙，而且佢嘅鮑魚肝醬非常好味😋
炸甘鯛配酸菜魚汁，非常獨特嘅一道菜，魚麟都炸到好脆，雖然係炸嘅，不過配酸菜汁食落一啲都唔油。
沙巴大虎蝦，足足手臂咁長，好夸張，隻蝦勁彈牙，佢好特別，用蟲草花汁，個汁好好味👍🏻
煎鵝肝，大大塊勁香勁肥美，配多士真係一流，食完之後食菠蘿冰真係絕配👍🏻
食完咁多道海鮮同鵝肝其實已經好飽，點知仲有成條美國安格斯封門柳，呢個餐真係份量驚人，牛柳要5成熟就啱啱好，配上昆布絲同wasabi，好夾。
以為結束咗，點知仲有高菜炒飯、炒雜菜、味噌湯，同埋勁好味勁邪惡嘅牛油多士😍身為大胃王嘅我都食唔晒啲雜菜，下次真係早餐都唔食先好叫呢個餐。最後雪糕二揀一，我哋都揀咗柚子味，感覺可以消滯啲。
食完我哋仲坐係度望住個九龍公園傾咗下計，真係好開心😍
張貼
