N.28 Teppanyaki

營業中

休息中

約左同朋友去尖沙咀食lunch，佢話想食鐵板燒，我哋上網見到呢間幾抵食就決定打去訂位。我哋叫咗一個午市商務鐵板套餐，性價比超級高。沙律新鮮爽口，醬汁酸甜開胃。帶子青海苔茶碗蒸師傅即蒸，茶碗蒸口感幼滑，加上青苔醬汁鹹鹹香香。南非鮑魚配乾貝汁鮑魚10分新鮮，上枱嗰陣仲郁郁下，口感爽脆，一啲都唔會鞋，加上自家製乾貝汁味道更加鮮甜。鐵板大蝦配雞尾酒醬大蝦入口爽口彈牙，加上雞尾酒醬味道很特別。美國安格斯牛柳牛柳我哋叫咗五成熟，口感軟腍，牛肉味道濃郁，食落好多肉汁，加上蒜片10分香口惹味。和牛炒飯和牛油脂豐富，味道濃郁，炒飯粒粒分明，炒到好乾身。季節湯物味道鮮甜，加上大量紫菜和豆腐增加口感。雪糕芝麻味道和抹茶味道都10分濃郁。