驚安燒肉商店

營業中

休息中

驚安燒肉不嬲都有食開，食物質數有保證，餐廳而家仲做緊個超抵優惠！！午市12-4pm及宵夜9:30pm後入座，全單59折，好抵～而且啤酒做緊買一送一，鍾意飲酒嘅朋友啱晒👍🏻個人覺得以下食物係必叫嘅：牛肉九宮格可以一次過試到9款唔同牛嘅部位，上枱會跟張咭介紹返各部份，大家可以跟喜好分次序食～我哋就留左和牛係最後尾先食，每種肉都口感分明，由有嚼勁到入口即化。我自己最鍾意護心肉同一口和牛，唔太肥唔太瘦剛剛好和牛壽喜燒職員即刻喺你面前用火槍炙燒，生熟程度可以同職員溝通，再沾上黑松露蛋汁，沾完勁香好惹味紫菜月見飯燒肉配呢個月見飯食好夾！我咁細食都堅持叫個飯😆日式薯仔沙律（卡樂B）有點似韓國菜前菜果隻沙律，口感綿綿的～但加洋蔥、卡樂B薯片碎同蟹籽之後，多左好多脆口嘢，口感豐富左好多，好特別。