湊湊火鍋‧茶憩 (圍方)

營業中

休息中

今次去咗湊湊火鍋試佢哋嘅午市一人餐$98起，有多款海鮮和優質肉類的雙拼配搭選擇😍 仲有極具特色的貢品——烏珠穆沁小羔羊。佢哋有幾款午市小火鍋星級新鍋底：關西壽喜鍋、貴州酸鍋底、泰國惹味冬蔭公鍋。我就揀咗關西壽喜鍋，湯底甜甜哋，帶少少醬油香。朋友就揀咗昆布湯，帶點鰹魚味。我哋揀咗美國頂級牛頸脊餐及甄選海鮮小火鍋🍲牛肉份量多，肉質好嫩滑，牛味濃郁，配壽喜鍋湯底真係絕配！甄選海鮮小火鍋有鮮蝦、蠔、蜆同兩款魚，海鮮新鮮，蝦肉爽彈，蠔同蜆都好鮮甜。套餐附送嘅蔬菜拼盤好豐富🥬：有蔬菜、金菇、冬菇、丸同蝦滑等等，樣樣都新鮮，尤其係蝦滑，彈牙得嚟又鮮味，涮完之後吸晒湯底嘅精華，好好食！出邊有個自助區，可以拎前菜同水果🍉飲品揀咗黑糖桃膠玫瑰烏龍鮮奶茶，黑糖味好香，桃膠滑溜溜，玫瑰花香同烏龍茶好夾。大紅袍珍珠奶茶🧋奶味香濃。