Pickabowl (京瑞廣場2期)

營業中

休息中

餐廳位於沙田石門站，一出閘1分鐘就到非常方便，無論堂食或外賣都適合 ，poke係由切粒三文魚、吞拿魚……等醃製魚肉加蔬菜，配醬料和調味料，再加上米飯配合而成。保留天然食材嘅豐富營養價值。慢煮天多利雞+白飯+糙米飯 $74雞粒豐富份量多口感紮實，再配上菠蘿、青瓜、蟹籽配蛋黃醬混合埋白飯糙米，口感相當豐富，好特別。泰式青檸大蝦+白飯+糙米飯 $84泰式風情感覺，青檸大蝦清新好味，配料係菠蘿同埋青瓜，同大蝦非常之夾。薑汁松板豬+沙律 $74松阪豬外皮乾身香脆，內裏Juice，再配咗烤南瓜、王子燒、炸豆腐、四季豆、毛豆、配自家製醬油，完全無諗過可以咁夾，無論主菜到配料都非常好食，呢一個下次我都會再食！總括而言：口味清新，健康之選，配搭千變萬化，可以選擇白飯，亦都可以選擇糙米又可以選擇沙律。