影片
更多
2021-02-07
534 瀏覽
呢間真係隱世餃子店，因為地點都真係好隱蔽，如果唔係朋友帶我，我應該唔識黎，不過驚訝既係，行完條樓梯再上小小斜，抬頭再望望個紅色店面同格局，突然有少少似去左千與千尋湯屋既感覺，可以脫離現實煩擾一陣。入到去點完餐坐住等外賣，再望下出面既風景，餐廳岩岩仲播時光倒流一句話，好正。我地每人叫左個主食，再叫D餃子返屋企一齊share。鮮蝦雲吞撈超多蝦籽撈粗 ($52) 真係幾多蝦籽超級香，精緻既一口雲吞，粒粒蝦既餡都彈牙鮮美，我落左少少餐廳俾既辣菜脯撈個粗麵，好好味，應該係自家製菜脯，有豆豉同埋特別既香味，之後樣樣都點佢食!蘿蔔炆牛腩飯 ($59)牛腩炆得夠軟腍，亦都夠入味，蘿蔔好大舊爽口，堂食原來可以加底一次~主食都會送骨膠鮮魚紫菜湯，比起湯餃個原味既湯，有埋紫菜多層口感又更美味。骨膠鮮魚湯鮮蝦菠菜餃 ($52)個湯係白白既魚湯，足料夠清甜，標明100%無味精，湯鮮蝦菠菜餃幾好味皮薄餡夠，一樣係食到新鮮既蝦味，有埋菠菜非常健康!煎韭菜鮮豬肉餃 ($36)餃子煎得燶，非常脆口，一咬入面爆肉汁，韭菜香味都夠濃。即叫即煎，我地拎到返屋企都仲夠熱。我地仲叫左呢度特色樽仔奶茶同冷泡茶($26)，樽仔做得好
入到去點完餐坐住等外賣，再望下出面既風景，餐廳岩岩仲播時光倒流一句話，好正。
我地每人叫左個主食，再叫D餃子返屋企一齊share。
14 瀏覽
0 讚好
0 留言
鮮蝦雲吞撈超多蝦籽撈粗 ($52)
真係幾多蝦籽超級香，精緻既一口雲吞，粒粒蝦既餡都彈牙鮮美，我落左少少餐廳俾既辣菜脯撈個粗麵，好好味，應該係自家製菜脯，有豆豉同埋特別既香味，之後樣樣都點佢食!
蘿蔔炆牛腩飯 ($59)
牛腩炆得夠軟腍，亦都夠入味，蘿蔔好大舊爽口，堂食原來可以加底一次~主食都會送骨膠鮮魚紫菜湯，比起湯餃個原味既湯，有埋紫菜多層口感又更美味。
骨膠鮮魚湯鮮蝦菠菜餃 ($52)
個湯係白白既魚湯，足料夠清甜，標明100%無味精，湯鮮蝦菠菜餃幾好味皮薄餡夠，一樣係食到新鮮既蝦味，有埋菠菜非常健康!
煎韭菜鮮豬肉餃 ($36)
餃子煎得燶，非常脆口，一咬入面爆肉汁，韭菜香味都夠濃。即叫即煎，我地拎到返屋企都仲夠熱。
我地仲叫左呢度特色樽仔奶茶同冷泡茶($26)，樽仔做得好可愛。冷泡茶用電解還原水製，飲落微微清香，奶茶比較甜。
店員非常細心有禮，細心抄寫每個order。餐廳都多人等外賣。下次要買d生餃子返屋企打邊爐先得。
張貼
