CC BAKERYYYY x 千禧咖啡

營業中

休息中

同事最近成日提起千層蛋糕，於是今日我哋終於嚟咗呢間位於豉油街嘅隱世小店食個痛快。店面約有10個座位，仲有特大對街窗口座位、簡約裝修，未夠晚上七點已經全店滿座。人氣開心果拿鐵雖然咁啱冇曬cream, 但唔影響香濃嘅開心果味。邊飲可以邊咬內藏嘅開心果碎，非常有口感。青檸梳打水，清新消暑。黑松露卡邦尼意粉有滿滿嘅黑松露醬，意粉掛滿充滿蛋香及芝士味嘅醬汁，意粉又唔會太乾，仲有蘑菇片同香脆煙肉碎，非常好味；芝士肉醬窩夫入口帶有少少香脆。蕃茄肉醬份量很多，特別喜歡甜甜地蕃茄味唔會過酸，夾埋芝士真係食到停唔到口。甜品係比利時朱古力脆脆千層蛋糕。賣點係超薄0.01班戟皮，每層充滿着香滑比利時朱古力忌廉，夾埋脆脆朱古力口感非常豐富，值得一試。