老馮茶居

營業中

休息中

Bookmark咗呢間一排，又有朋友介紹總店好食，見佢開咗去旺角咁方便就同老豆去試吓。嗌咗個芋泥包、千層糕同蝦餃燒賣。嘢食未上，第一眼已經見到個碗同隻羹未洗乾淨。之後第一籠上咗個千層糕，咬第一啖就見到未食嗰嚿有一條毛攝住喺中間。我驚自己睇錯，360度睇多次，好肯定係攝住喺個餡中間而唔係有條毛黐住喺側面。但因為係同老豆食，費事掃興，就叫員工換咗佢就算。不過食完今次無下次。為咗畀負評要寫多幾隻字，想補充籠燒賣等咗好耐都未到，要主動催單先有，上枱時仲要串一串客人；千層糕攝住條毛亦無主動話道歉，好彩我影咗幅相。