銀Cafe

營業中

休息中

最近見商場新開咗呢間支持長者就業嘅社企餐廳，餐牌唔錯諗住試吓，點知中咗大伏。我叫咗蒲燒鰻魚飯（$78）同一杯熱飲。件鰻魚係冇乜鰻魚味，只有少少酸同腥臭味，感覺完全唔新鮮，而且唔係幾食到有蒲燒嘅味道。實物色澤亦都冇餐牌張相咁鮮艷。至於醬汁味道係異常地淡，唔知道係咪餐廳都推崇健康養生飲食，落汁落調味料都比較輕手。另外，裝熱飲嘅杯勁污糟勁多漬。我明白呢間係畀長者工作嘅餐廳，老人家未必夠力去擦乾淨啲杯同餐具，但希望都注意下衛生同客人嘅觀感。總結黎講，食得唔係幾舒服，唔會想再回頭幫襯。支持呢間社企一次夠了。