千両 (名店坊)

營業中

休息中

今晚晚餐轉場去左千両再食。好耐無黎，又有新既季節食品。星期日大概7點，都排左好幾個字先有位。豐洲壽司盛十貫 $288 另加一豐洲壽司盛十貫分別有縞縿，縞縿腩，笠子，真鯛，黑曹以，魴彿，鳥貝，活帆立貝，活北寄貝，鮟康魚肝。活帆立貝，活北寄貝同鳥貝特別鮮甜，質感又嫩，好正。其他基本上係白身魚，有d上面加左蘿蔔蓉同蔥花，質素都唔錯，只係有少少薄身，都算新鮮。鮟康魚肝份量多，而且完全唔腥，不過有少少散開。飯量非常少，好細舊。伴有酸薑片同日式芥末。燒羊架配柚子胡椒 $68一件 另加一叫左三件燒羊架配柚子胡椒，三件都超嫩口，又多汁，好好食。雙色雪糕糯米卷 $42 另加一雙色雪糕糯米卷係糯米糍皮包住黑芝麻同豆腐口味雪糕，之後一開二。豆腐味濃，蓋過芝麻味。塊皮好薄，唔夠煙韌。日式黑胡麻布甸 $38 另加一呢個係時令甜品。日式黑胡麻布甸比想像上大杯，面頭有兩粒黑豆同金箔，賣相不俗。黑豆好咬口，正。黑胡麻布甸滑溜，芝麻味香濃。今餐食野唔算多，人均都唔平。