蟹仙海鮮蒸氣鍋 (仁愛街) (已結業)

最近工作都好忙，今日收工後朋友帶我去新蒲崗食蒸氣火鍋，好好放鬆下。我地叫咗包羅萬有海鮮二人套餐，超豐富！店員服務好好會詳細講解下不同海鮮的特別之處，同埋會預先蒸一蒸熱d餐具消毒。先黎個前菜 - 香辣海蜇青瓜，好開胃！第一盤的海鮮已令人垂涎三尺，有台灣九孔鮑魚、日本野生大赤蝦、日本大元貝、大西洋野生青口、韓國釜山珍珠蠔同螺！款款海鮮都好新鮮鮮甜👍🏻之後有主角出場，係太平洋饅頭蟹同膏仔蟹！店員介紹饅頭蟹喺出面餐廳比較少入，膏雖少但肉質鮮甜，膏仔蟹名副其實比較多膏，中意食蟹的我忍唔住食埋朋友果半隻，因為她不好蟹🤭接著再蒸澳洲青年龍蝦，已預先斬開一半，蒸好後原條龍蝦肉吉起非常爽，肉質鮮甜彈牙！除了海鮮，仲有牛肉雞肉豚肉、丸同蔬菜籃，呢刻已食到好飽，但忍唔住要食埋最後期待好耐的粥底，因有已濃縮所有蒸過海鮮的精華，好鮮甜！最欣賞餐廳店員會幫你蒸及調好計時，就唔怕海鮮會蒸過龍，海鮮新鮮同蒸的時間控制得好，就什麼調味也不用都好好食！下次必會再黎食的！