影片
更多
2021-03-10
323 瀏覽
仲係中學生嘅時候已經係灣仔食過好邪惡嘅新記芝士撈丁，嗰陣對於我呢個芝士怪嚟講簡直一試返尋味😋 但係後來佢執咗無做，一直都好想食返🥺 後來先知原來佢搬咗去荃灣，所以之前趁入荃灣嘅時候順便去咗幫襯佢！過到嚟梗係嗌返佢個招牌芝士撈公仔麵啦！見到Openrice有好多人推薦芝士汁豬頸肉太陽蛋撈公仔麵，但我嫌豬頸肉再加芝士真係頂唔順咁邪惡😈 所以轉咗雞扒！佢芝士汁嘅份量咁多年嚟都無變到，都係咁足，每條麵都掛到芝士汁🤤 個太陽蛋都好正，好流心！雞扒都唔錯，一啲都唔鞋，唯獨是個麵食耐咗有啲太腍，但整體都好ok☺️另外，見佢個常餐都幾豐富，所以又嗌咗份😆 常餐C有漢堡扒、腸仔、牛乳炒滑蛋拼奶油豬，全部嘢都係細細個勁鍾意食嘅，特別係奶油豬☺️ 佢個奶油豬好出色，外皮烘到好脆，趁熱食一流！漢堡扒同腸仔就係超鹹食到腎虧嗰種🤣 好彩個炒蛋都唔錯，夠濕夠滑，仲有少少牛奶味！見佢套餐可以加$10就飲到杯紅豆冰，即刻嗌咗！而家唔係度度都仲有呢款咁懷舊嘅紅豆冰飲嫁啦，見到一定要好好珍惜🙈 紅豆冰大大杯，紅豆幾綿密，仲要好多添！不過個奶就有啲啲淡，唔知係咪因為太多冰嘅關係，但$10係可以一試嘅😆總括黎講，呢間冰室簡直係食童
芝士雞扒太陽蛋撈公仔麵
$50
30 瀏覽
2 讚好
0 留言
過到嚟梗係嗌返佢個招牌芝士撈公仔麵啦！見到Openrice有好多人推薦芝士汁豬頸肉太陽蛋撈公仔麵，但我嫌豬頸肉再加芝士真係頂唔順咁邪惡😈 所以轉咗雞扒！佢芝士汁嘅份量咁多年嚟都無變到，都係咁足，每條麵都掛到芝士汁🤤 個太陽蛋都好正，好流心！雞扒都唔錯，一啲都唔鞋，唯獨是個麵食耐咗有啲太腍，但整體都好ok☺️
常餐C
$48
31 瀏覽
1 讚好
0 留言
另外，見佢個常餐都幾豐富，所以又嗌咗份😆 常餐C有漢堡扒、腸仔、牛乳炒滑蛋拼奶油豬，全部嘢都係細細個勁鍾意食嘅，特別係奶油豬☺️ 佢個奶油豬好出色，外皮烘到好脆，趁熱食一流！漢堡扒同腸仔就係超鹹食到腎虧嗰種🤣 好彩個炒蛋都唔錯，夠濕夠滑，仲有少少牛奶味！
懷舊紅豆冰
$10
27 瀏覽
1 讚好
0 留言
見佢套餐可以加$10就飲到杯紅豆冰，即刻嗌咗！而家唔係度度都仲有呢款咁懷舊嘅紅豆冰飲嫁啦，見到一定要好好珍惜🙈 紅豆冰大大杯，紅豆幾綿密，仲要好多添！不過個奶就有啲啲淡，唔知係咪因為太多冰嘅關係，但$10係可以一試嘅😆
總括黎講，呢間冰室簡直係食童年回憶呀🤩 佢嘅芝士撈丁一定要試，但怕膩嘅人記得嗌返杯嘢飲解膩呀！冰室環境都幾乾淨，唔會好逼，夠闊落👍🏻 不過weekend嚟食，記得早啲嚟排隊，好多人嫁！🤣
張貼
