影片
更多
2019-10-14
56 瀏覽
男朋友成日都提起北角呢個corner位有間食台灣野，明明之前同佢食係一間拉麵店。次次兜過去都冇開門，今次原先諗住求其喺天后食台灣野，因為我麻麻煩煩佢就突然拉住我行左去呢度，好彩有開門咋終於。見佢門面已經好有台灣九份嘅味道，雖然鋪仔細細但係裝修陳設同九份嘅氣氛差唔多！一入門口已經有位台灣口音嘅女士招呼我哋入去坐，我哋叫咗必食嘅滷肉飯仲有台灣腸、酥炸魷魚酥、肉鬆起司蛋餅、杯芽奶茶同埋芋圓甜品。滷肉飯我叫咗個細嘅，但係男朋友怪責我點解要搶佢啲嚟食，因為佢諗住個人獨享，而我就最鍾意share嘅。（如果大size嘅有半隻滷水蛋添㗎）我相信正宗嘅滷肉飯都係肥瘦參半咁先至油香四溢，當然我會盡量將啲肥嘅畀晒男朋友食啦哈哈哈😄一大兜酥炸魷魚鬚佢炸得好鬆軟，不過係略嫌爭少少味道。男朋友叫我揀一係食炸花枝丸一係食台灣腸我就揀咗後者，佢覺得有啲意外，因為平時我唔主張食香腸但係唔知點解某幾隻腸我又接受到㗎喎 ，包括有台灣腸、紅腸、小紅腸同埋豬肉腸等等。台灣腸加埋啲蒜片食👍🏻肉鬆起司蛋餅本來淨係叫起司蛋餅，不過侍應姐姐話只係得返肉鬆起司蛋餅，雖然唔係好明個邏輯不過佢都算啦照食啦！本身對肉鬆都OK嘅，特別係泰國嗰啲
見佢門面已經好有台灣九份嘅味道，雖然鋪仔細細但係裝修陳設同九份嘅氣氛差唔多！一入門口已經有位台灣口音嘅女士招呼我哋入去坐，我哋叫咗必食嘅滷肉飯仲有台灣腸、酥炸魷魚酥、肉鬆起司蛋餅、杯芽奶茶同埋芋圓甜品。
滷肉飯我叫咗個細嘅，但係男朋友怪責我點解要搶佢啲嚟食，因為佢諗住個人獨享，而我就最鍾意share嘅。（如果大size嘅有半隻滷水蛋添㗎）我相信正宗嘅滷肉飯都係肥瘦參半咁先至油香四溢，當然我會盡量將啲肥嘅畀晒男朋友食啦哈哈哈😄
一大兜酥炸魷魚鬚佢炸得好鬆軟，不過係略嫌爭少少味道。
男朋友叫我揀一係食炸花枝丸一係食台灣腸我就揀咗後者，佢覺得有啲意外，因為平時我唔主張食香腸但係唔知點解某幾隻腸我又接受到㗎喎 ，包括有台灣腸、紅腸、小紅腸同埋豬肉腸等等。台灣腸加埋啲蒜片食👍🏻
肉鬆起司蛋餅本來淨係叫起司蛋餅，不過侍應姐姐話只係得返肉鬆起司蛋餅，雖然唔係好明個邏輯不過佢都算啦照食啦！本身對肉鬆都OK嘅，特別係泰國嗰啲肉鬆小食，呢個蛋餅夾住溶咗嘅芝士一齊食👍🏻
原先男朋友以為佢叫嗰個芋圓甜品係飲品嘅一種，點知嚟到真係成個糖水咁。都OK嘅其實佢最想食啲芋圓，我問佢覺得點佢話太正宗喎
總括來講食台灣野我諗除咗出名嘅「阿元來了」之外呢一間都算係數一數二我覺得正宗而我會選擇再返轉頭食嘅台灣店，我哋仲已經諗好咗下次嚟叫台灣牛肉麵添。
「冇影到相下次補返」
張貼