芝樂坊餐廳

芝樂坊 黎芝樂坊之前，都上網做過下research，知道佢份量驚人，所以今日lunch time都特登食少啲，今晚刷餐勁。去到見到隔離枱啲意粉同飯，份量果然大得好誇張，哈哈。呢到個餐牌真係多選擇到，如果有選擇困難症既朋友，相信要揀啱食咩，都已經用咗半個鐘有多。而我地當日就叫咗以下幾樣水牛城雞翼醬汁可以選擇辣度，而且可以選擇淋上雞翼或者分開上。我地選擇咗前者，雞翼淋上醬汁後仍然香脆。雞翼辣度適中，酸酸辣辣，幾醒胃。配埋藍芝士醬，另有一番風味。黛安牛排拼檸檬蒜香大蝦呢個份量比我地想像中細，開頭有d失望⋯⋯但牛扒煎得好好(medium rare), 蝦亦都煎得好香口。配埋檸檬加蕃茄既醬汁，唔會食到好膩。 最邪惡既係佢中間既薯蓉，好滑(一定落咗超多牛油)，但仍然保留少少薯粒，食唔停口。焗芝士釀蘑菇芝士加gravy，唔洗多講啦！墨西哥燒牛扒夾餅夾餅就冇想像中好食。夾餅上枱後係凍既，而且好淋，食落去唔太方便，一咬，啲食材就跌到一枱都係。 但不得不讚牛扒同其他食材係好配搭，味道有層次感。原創芝士蛋糕芝士香濃，加上蛋糕面既酸忌廉，蛋糕唔會死甜，可以一試。紅絲絨芝士蛋糕呢個同食開既紅絲絨蛋糕有啲唔同，但