影片
更多
2008-06-23
198 瀏覽
呢餐比下面食評果餐威士忌宴仲早食, 不過水準就無咁好, 始終要10道菜都係鮑魚, 難度會比較高, 但巳經唔錯, 都補番個食評啦.今次全靠Stephen邀請, 先有機會參加力寶軒呢個十全十美全鮑wine dinner. 係力寶軒一週年加酒經月刊十週年特別設計嘅宴會. 場面都幾墟冚.1) 滷水南非鮑 - 鮑水本身冇乜味. 但滷水味就好搶.2) 鴛鴦鮑魚棗 - 分別係芋頭同蝦膠兩款外皮, 蝦膠果個好似冇乜鮑魚, 芋頭果個好d, 有鮑魚味, 但我果塊鮑片好細.3) 西紅柿鮑魚 - 鮑魚個texture唔錯, 但配茄汁, 好怪.4) 青欖燉鮑魚 - 唔知點解要加粒青欖落去, 湯清甜, 但冇乜鮑魚味.5) 三十五頭吉品鮑扣鵝掌 - 兩樣都扣得好入味, 口感一流, 鮑魚溏心, 全晚呢個最正.6) 年年鮑有餘 - 中間果兩舊係用鮑片卷住d魚肉, 好鮮美, 下面果層係清蒸蛋白豆腐. 極滑, 1000個得!!!7) 鹽焗大連鮑 - 呢個最唔得, 太老了, 韌到飛起!8) 原隻鮑魚撈起麵 - 呢個又係好滿意, 鮑魚又嫩又溏心, 伊麵爽滑又夠味, 學ET話齋, 鮑魚都係傳統做法最好味!9) 咖喱鮑魚酥 - 鮑
今次全靠Stephen邀請, 先有機會參加力寶軒呢個十全十美全鮑wine dinner. 係力寶軒一週年加酒經月刊十週年特別設計嘅宴會. 場面都幾墟冚.
1) 滷水南非鮑 - 鮑水本身冇乜味. 但滷水味就好搶.
2) 鴛鴦鮑魚棗 - 分別係芋頭同蝦膠兩款外皮, 蝦膠果個好似冇乜鮑魚, 芋頭果個好d, 有鮑魚味, 但我果塊鮑片好細.
3) 西紅柿鮑魚 - 鮑魚個texture唔錯, 但配茄汁, 好怪.
4) 青欖燉鮑魚 - 唔知點解要加粒青欖落去, 湯清甜, 但冇乜鮑魚味.
5) 三十五頭吉品鮑扣鵝掌 - 兩樣都扣得好入味, 口感一流, 鮑魚溏心, 全晚呢個最正.
6) 年年鮑有餘 - 中間果兩舊係用鮑片卷住d魚肉, 好鮮美, 下面果層係清蒸蛋白豆腐. 極滑, 1000個得!!!
7) 鹽焗大連鮑 - 呢個最唔得, 太老了, 韌到飛起!
8) 原隻鮑魚撈起麵 - 呢個又係好滿意, 鮑魚又嫩又溏心, 伊麵爽滑又夠味, 學ET話齋, 鮑魚都係傳統做法最好味!
9) 咖喱鮑魚酥 - 鮑魚切粒粒, 爽甜有咖喱香, 都唔錯.
10) 富貴糖心清甜湯 - 係有片鮑魚嘅糖水, 無乜啦更.
九百蚊唔駛就可以食齊十道鮑魚菜色+冇限量美酒供應, 雖然唔係話道道菜色都好食, 但巳經滿意.
張貼
