仁芝初

營業中

休息中

最近發現有間旺角中式糖水店開到嚟紅磡，店內環境唔大但座位之間有適當距離，平日晚上到訪都Full，而且見唔少人買外賣，店員服務態度友善，經過試試無無妨呀～ 呢度比較特別，估唔到可以雙拼！要咗芋茸蓮子西米露拼陳皮紅豆沙，有熱有凍，兩款配料豐富，帶有咬口，煮至軟身，而且甜度唔高，老少咸宜，食完都幾飽。楊枝甘露價格較高但入面都幾足料，芒果唔酸，味道濃郁，香甜美味，配上粒粒西米露，好解暑，夏天食就最合適不過了。白果薏米腐竹滋潤養顏抗衷老，個人更喜歡熱嘅，而且建議可以自己加返隻雞蛋食。配料方面貪得意要咗芝麻湯丸，三小粒，分開上，軟糯可口，下次直接叫薑汁湯圓先至得！