影片
更多
2023-02-14
46 瀏覽
接朋友收工，佢話帶我食鐵板燒，心諗長沙灣邊有鐵板燒，點知又真係有。望左輪menu，除咗散叫，最方便係叫套餐，今次揀咗款龍蝦餐。沙律：酸甜沙律汁配爽脆生菜，開胃之選。刺身：諗住跟餐刺身都係啲hea料，點知有驚喜！分別有鰈魚、真鯛、油甘魚同鰹魚。有碟仔裝住嘅鰈魚配酸汁啫哩同鰹魚，店員話呢兩款調咗味就唔使點豉油。刺身幾款都好新鮮，偷聽到話係飛機貨。當中最鐘意係油甘魚同真鯛，前者油脂重，滿足感爆棚，後者鮮甜而肉質柔韌。比目魚：比目魚肉質滑嫩，份量都唔少。有啲可惜當日無銀鱈魚而轉左比目魚，畢竟銀鱈魚肉質更肥美。龍蝦:已經起埋肉，啖啖肉。有龍蝦嘅鮮味，彈牙度就中規中矩，醬汁幾香，但略嫌唔夠咸去吊起整體味道。牛肉薄燒：牛包中間包住蔥花同炸蒜，好香口，一咬好重牛肉嘅油香。炒菜：椰菜最忌出水，當日就炒得好乾身，唔錯。炒飯：燒得夠乾身，飯入面加左櫻花蝦，多左陣海鮮香氣。可惜最近減緊澱粉，無食曬成碗。整體食得出食材新鮮有質素，烹調時間都唔錯，但調味上可以咸多少少，更能帶出食材味道。
望左輪menu，除咗散叫，最方便係叫套餐，今次揀咗款龍蝦餐。
沙律：
酸甜沙律汁配爽脆生菜，開胃之選。
刺身：
諗住跟餐刺身都係啲hea料，點知有驚喜！分別有鰈魚、真鯛、油甘魚同鰹魚。有碟仔裝住嘅鰈魚配酸汁啫哩同鰹魚，店員話呢兩款調咗味就唔使點豉油。刺身幾款都好新鮮，偷聽到話係飛機貨。當中最鐘意係油甘魚同真鯛，前者油脂重，滿足感爆棚，後者鮮甜而肉質柔韌。
比目魚：
比目魚肉質滑嫩，份量都唔少。有啲可惜當日無銀鱈魚而轉左比目魚，畢竟銀鱈魚肉質更肥美。
龍蝦:
已經起埋肉，啖啖肉。有龍蝦嘅鮮味，彈牙度就中規中矩，醬汁幾香，但略嫌唔夠咸去吊起整體味道。
牛肉薄燒：
牛包中間包住蔥花同炸蒜，好香口，一咬好重牛肉嘅油香。
炒菜：
椰菜最忌出水，當日就炒得好乾身，唔錯。
炒飯：
燒得夠乾身，飯入面加左櫻花蝦，多左陣海鮮香氣。可惜最近減緊澱粉，無食曬成碗。
整體食得出食材新鮮有質素，烹調時間都唔錯，但調味上可以咸多少少，更能帶出食材味道。
張貼
