小龍焱老火鍋

營業中

休息中

Item: 小龍焱老火鍋
Rating: 5
Author: 膠龍兔豬

4.5

54 食評

味道

環境

服務

衛生

抵食

858

北角

$101-200

川菜 (四川) 火鍋

膠龍兔豬

等級4

247

📌 小龍焱老火鍋 - 北角英皇道395號僑冠大廈地下28-31號舖🗓(27/3) 星期三 ⏰ 晚上7點左右 💈特式：都好一段時間無出街搵好野食，今日收工就同朋友去左北角搵左間裝修相當有宮庭風格嘅餐廳，食四川成都麻辣火鍋。🥩🍔🌭🌮🥗🥯🥘🍲🍝🍣🥟🍤🍱食物：食麻辣火鍋主力都係食佢地個麻辣紅鍋，所以係必點。另外，佢地大部分火鍋配料都可以揀大/小份量，方便可以食多d唔同種類。🍲湯底 - 湯底選擇唔算多，只有5款，包括牛油紅鍋/清油紅鍋/蕃茄濃湯/菌湯鍋/養生高湯鍋。我就揀左龍分天下鴛鴦鍋$1️⃣1️⃣6️⃣，蕃茄濃湯拼少辣程度嘅清油火鍋，雖然兩個都係紅色，但口味就大大不同。清油火鍋就香麻惹味，叫左最少辣度唔會太辣；蕃茄濃湯就好濃郁蕃茄味，亦唔會太酸，直頭可以當湯飲。火鍋配料 - 配料有牛/豬/雞/羊/鴨/鵝/海鮮/丸/菇菜類，總共都有8~90款，以下就介紹下值得推介嘅食材啦：九仙宮$1️⃣8️⃣6️⃣ - 我覺得呢個九宮格拼盤係必叫，因為每款推介食材都有d，2個人嚟食叫呢個就可以一人試多d唔同種類嘅食物。9種食材分別有珊瑚蚌/鮮鴨血/鵝腸/毛肚/黃喉/沙巴魚/海蝦/爆汁牛丸/海帶苗，每款都各有特式，珊瑚蚌/鮮鴨血

📌 小龍焱老火鍋 - 北角英皇道395號僑冠大廈地下28-31號舖
🗓(27/3) 星期三 ⏰ 晚上7點左右

💈特式：都好一段時間無出街搵好野食，今日收工就同朋友去左北角搵左間裝修相當有宮庭風格嘅餐廳，食四川成都麻辣火鍋。

5 瀏覽

0 讚好

0 留言

🥩🍔🌭🌮🥗🥯🥘🍲🍝🍣🥟🍤🍱
食物：食麻辣火鍋主力都係食佢地個麻辣紅鍋，所以係必點。另外，佢地大部分火鍋配料都可以揀大/小份量，方便可以食多d唔同種類。

🍲湯底 - 湯底選擇唔算多，只有5款，包括牛油紅鍋/清油紅鍋/蕃茄濃湯/菌湯鍋/養生高湯鍋。
我就揀左龍分天下鴛鴦鍋$1️⃣1️⃣6️⃣，蕃茄濃湯拼少辣程度嘅清油火鍋，雖然兩個都係紅色，但口味就大大不同。清油火鍋就香麻惹味，叫左最少辣度唔會太辣；蕃茄濃湯就好濃郁蕃茄味，亦唔會太酸，直頭可以當湯飲。

火鍋配料 - 配料有牛/豬/雞/羊/鴨/鵝/海鮮/丸/菇菜類，總共都有8~90款，以下就介紹下值得推介嘅食材啦：

九仙宮$1️⃣8️⃣6️⃣ - 我覺得呢個九宮格拼盤係必叫，因為每款推介食材都有d，2個人嚟食叫呢個就可以一人試多d唔同種類嘅食物。
9種食材分別有珊瑚蚌/鮮鴨血/鵝腸/毛肚/黃喉/沙巴魚/海蝦/爆汁牛丸/海帶苗，每款都各有特式，珊瑚蚌/鮮鴨血/海蝦就夠新鮮，鵝腸/毛肚/黃喉配麻辣湯底就超夾。

🦆無骨鴨掌$7️⃣6️⃣ - 鴨掌係我至愛，佢仲要無骨，就更加分，叫左小份量都有6隻，放麻辣湯底或蕃茄湯底都好適合，如果唔係想試埋佢其他食材，我一定會再order。

🐷功夫腰片$5️⃣6️⃣ - 豬腰係我其中一樣好推介嘅火鍋食物，因為佢唔易處理，所以自己平時都唔會買嚟打邊爐，小份就有7~8片，淥一淥就食得，口感爽脆得嚟又滑溜。

🐮雪花肥牛舌$5️⃣3️⃣ - 我開頭仲諗，雪花肥牛就聽得多，牛舌都有？但上枱見到d牛舌真係有少少雪花紋，食落亦都比較淋滑唔靭，仲有少少油脂香。

🫓手工豆皮$2️⃣0️⃣ - 呢個手工豆皮我食火鍋好鍾意叫，好覺得好過叫麵食，淥完之後食落感覺就少少似厚身腐竹，仲有陣陣豆香。

🥬皇帝菜$2️⃣6️⃣ - 皇帝菜都係其中一樣，我火鍋必食嘅食材之一，出邊通常都係會賣得比其他蔬菜貴d，但呢個價錢份量都多，而且新鮮。

🧱紅糖糍粑 $2️⃣8️⃣ - 仲叫左個紅糖糍粑做甜品，佢地應該係即叫即做，一份有5條，上枱熱辣辣，表面香脆，入口軟糯，糍粑個心又煮得夠透，係非常高質嘅紅糖糍粑，超推⭐️。

☕️🍵🥤🧋🍺🍷🥃🍹🧉🍾🍶🥛
飲品 : 因為餐廳個茶壺好靚，而且壺茶茶味都好香，所以我掛住飲茶都冇嗌其他飲品。

1 瀏覽

0 讚好

0 留言

🍽環境：餐廳似係新裝修無耐，地方仲係非常新淨企理，整體設計就用上宮廷風格，擺設同其他設計都好精緻，而且座位都坐得ok舒服。

1 瀏覽

0 讚好

0 留言

🤵🏻🤵🏻‍♀️🤵🏻‍♂️服務：餐廳職員好nice，會同客人好詳細咁解釋餐牌，係上菜時亦會同客人講解食材，例如要淥幾耐之類，適當時亦會主動詢問客人需唔需要加湯之類。

💰💸價錢：今日呢餐叫左咁多種野食，埋單都係$6️⃣0️⃣0️⃣左右，價錢真係唔算貴，而且食物比出面其他火鍋店有特色，質素亦更有水準，尤其是個湯底，直頭高好多班。