Briketenia (已改名) 查看

屋企人生日同佢慶祝生日飯佢話想去北角匯入面食晚餐，最後揀左呢間好有情調嘅西餐廳。麵包配上沙律醬法式麵包外脆內軟配上自家製沙律醬非常滋味。巴馬火腿密瓜多士巴馬火腿捲住香甜既密瓜下面有一塊多士片帶有鹹香感。香煎帶子配柑橘沙律帶子食落鮮甜配上啲西柚同鮮橙肉加埋啲醬汁非常清新開胃。香煎鵝肝焦糖燉蛋鵝肝燉蛋面頭配上甜甜地既黃桃醬，將啲鵝肝醬查喺香脆嘅多士上入口濃郁口感綿滑。香烤肉眼扒配薯條及小甘筍肉眼扒我哋今次叫做七成熟入面依然保持左肉質粉嫩，入口充滿肉汁而且仲有好多伴碟嘅蔬菜，另外個薯條啱啱炸起非常香脆熱辣辣十分滋味。法式小龍蝦雞肉批呢款雞肉批嘅份量非常之大件，入面嘅餡料非常之多，包括有菠菜，雞肉粒，小龍蝦等等上枱嗰時真係非常香噴噴，食完真係非常飽肚。整體嚟講呢間餐廳非常之有格調，雖然價錢偏貴，但係食物質素絕對值得再去。