影片
更多
2022-10-09
378 瀏覽
超人氣那個台式餐廳喺北角開咗一間分店，終於唔使去大角咀啦，今日經過就一於試一試啦，平日中午都超級多人排隊，好彩一點去到排咗15分鐘就入得去！店舖比大角咀大，不過味道都係大角嘴好食好多，今次食過還好，啲飲品都好麻麻，奶茶真係唔好叫！🍤香酥臺南蝦捲 $18 (6/10)第一啖炸甜不辣？唔係好似蝦卷，似炸魚蛋有魚味，入面有細細粒蝦，比較油少少，冇乜特別，可以唔使叫😂🍴 那個滷排骨便當 $68 (7/10)份量好多，飯係珍珠米，好飽滿，炸排骨即叫即炸，好香好厚，肉質彈牙，個滷汁甜甜好香，食到中間個肉質有啲乾同鞋口，冇大角咀嗰間炸得咁好食，但個味ok😂蓮藕爽口鹹鹹哋，椰菜爽口，粉絲鹹鹹地有菇有蘿蔔洋蔥芽菜，酸菜酸酸地，配菜好豐富，個蛋好香滷水味流心有蛋香。個飯正常量都超級飽，細食人記得少飯。🧋那個濃厚奶茶系列 炭焙 +$9 +$5仙草 +$3加大 少冰 走甜 (0/10)勁濃碳焙茶味，濃到帶少少微苦但又冇咩濃茶味，怪怪哋化學味(可能叫咗走糖冇甜味，想試真啲係咩味)，飲唔到有奶味😂仙草都滑，但質感似涼粉，硬身少少，打開見到係罐頭涼粉(有坑紋😂。味道係有啲苦同碳味，稱唔上好飲，普通過出面茶飲舖，飲咗
🍤香酥臺南蝦捲 $18 (6/10)
第一啖炸甜不辣？唔係好似蝦卷，似炸魚蛋有魚味，入面有細細粒蝦，比較油少少，冇乜特別，可以唔使叫😂
🍴 那個滷排骨便當 $68 (7/10)
份量好多，飯係珍珠米，好飽滿，炸排骨即叫即炸，好香好厚，肉質彈牙，個滷汁甜甜好香，食到中間個肉質有啲乾同鞋口，冇大角咀嗰間炸得咁好食，但個味ok😂蓮藕爽口鹹鹹哋，椰菜爽口，粉絲鹹鹹地有菇有蘿蔔洋蔥芽菜，酸菜酸酸地，配菜好豐富，個蛋好香滷水味流心有蛋香。個飯正常量都超級飽，細食人記得少飯。
🧋那個濃厚奶茶系列 炭焙 +$9 +$5仙草 +$3加大 少冰 走甜 (0/10)
勁濃碳焙茶味，濃到帶少少微苦但又冇咩濃茶味，怪怪哋化學味(可能叫咗走糖冇甜味，想試真啲係咩味)，飲唔到有奶味😂仙草都滑，但質感似涼粉，硬身少少，打開見到係罐頭涼粉(有坑紋😂。味道係有啲苦同碳味，稱唔上好飲，普通過出面茶飲舖，飲咗半杯掉咗😂
另外問咗店員奶茶係用奶粉定牛奶沖，佢吞吞吐吐話奶茶係奶茶，就係奶精茶嘅意思，唔係鮮茶鮮奶沖，大家明啦。想飲台式奶茶可以試下但唔好叫無糖，但想要鮮奶鮮茶可以唔使加錢叫。(望咗好多個食評冇乜人寫過奶茶係點，飲完不了😂
推薦指數: 7/10
質素比大角嘴差，豬扒炸得乾啲之外味道都可以，嘢飲飲純茶比較穩陣，正正常常，寧願去大角咀食😂
張貼
