雲吞擔擔麵套餐 $69
首先叫咗個雲吞擔擔麵，3個鍋貼，加錢叫豆漿。擔擔麵湯底叫咗多湯少辣，入面有雲吞同肉碎，湯汁質地質地濃稠，有明顯嘅花生香味，麵條都幾掛汁。 鍋貼口感香脆可口，難怪係米芝蓮連續10年嘅推介
雲吞麵套餐 $64
另一個叫咗雲吞麵，轉超必食香辣湯底，3個生煎包，及加錢叫豆漿。必食香辣湯底都係要加錢叫，驚太辣叫咗少辣。 湯底有啲似椒麻味，相對更開胃，同樣有雲吞、肉碎、蔥花，雲吞size啱啱好，湯底仲突顯咗雲吞嘅鮮味。生煎包外脆內軟，餡料調味適宜，唔會太鹹。
麻辣紅油炒手 $30
另外叫咗一份麻辣紅油抄手，辣度叫咗小辣，抄手有十幾粒，亦都加咗唔少肉碎，同雲吞比炒手會細粒啲，包裹住嘅醬汁啲都會更多，味道都會重啲，香辣美味，值得一試。
蟹粉小籠包 $44
小籠包 $32
分別叫咗兩粒嘅蟹粉小籠包，同四粒嘅小籠包，小籠包皮薄餡靚，入面包裹住滿滿嘅湯汁，分別在於前者帶有蟹粉獨有嘅鮮甜，後者就食到常見小籠包嘅嗰種多汁感
黃金之翼 $33
叫咗3隻黃金之翼，其實即係常見嘅鹹蛋黃雞翼，外皮香脆，包裹住滿滿嘅鹹蛋黃，趁熱食真係好邪惡既美食啊
