688

營業中

休息中

喺北角買完嘢，諗住喺北角地鐵站附近食埋晚飯先返屋企，見到一間叫688嘅餐廳，佢除咗有茶餐廳一般嘅嘢食之外，仲有啲川菜菜式，咁啱我想食辣，同行朋友又想食茶記小菜，咁就食呢間啦。餐廳環境企理新淨。我哋叫咗半隻蔥油霸王雞，重慶飄香毛血旺，腐乳通菜炒牛肉，兩個白飯同埋兩杯凍檸茶。蔥油霸王雞半隻：蔥油雞上枱嘅時候仲係熱嘅。佢個豉油汁較得好好味。雞皮幾薄，肉嫩多汁。重慶飄香毛血旺：入邊有午餐肉，牛柏葉，鴨血，蓮藕，薯粉，娃娃菜同埋芽菜，材料好豐富。叫咗小辣，辣度對我嚟講啱啱好。腐乳通菜炒牛肉：份量好大碟。腐乳味濃惹味。牛肉都幾滑。凍檸茶：每杯都有四片檸檬，茶味濃。