688

營業中

休息中

今日番啅呢間位於七姊妹道既688冰室，早餐時段都幾多食客，好不容易找到個卡位坐。坐低後店員姐姐好貼心咁攞咗杯水比我飲，跟住我就睇下個餐牌，早餐既種類都頗多，最後點番我最喜愛既歐陸牛扒早餐。不一會個餐就送到枱上，熱辣辣的，牛油多士好食，煎蛋，法蘭克福腸都好味，牛扒就更加美味，感受到佢係即煎既，香噴噴。整體滿意。口味：🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚

嚟到周末早餐時段，係屋企附近覓食，行到七姊妹道琴行街交界呢間688冰室，見未食過早餐，就一於入去試下。店舖唔大，但乾淨企理，揾個卡位坐低睇一睇個餐牌，睇中咗個牛扒歐陸早餐，咁就一於點呢個啦！呢個早餐份量都好足，有牛扒，珍寶腸，炒滑蛋，多士，蕃茄同埋青瓜，熱辣辣的，所有食物都好好食，尤其係塊牛扒，煎得香口又夠嫰滑，配上燒汁，係我食過既牛扒中最好味嗰幾塊其中之一。整體非常滿意。口味：🥚🥚🥚🥚🥚环境：🥚🥚🥚服务：🥚🥚🥚性价比：🥚🥚🥚

無曬肉既雲耳蒸雞，午餐餐牌，今天星期一，後悔聽店員推薦。上檯後先發覺被擺了一度，像幫店清貨一樣，像啃骨頭一樣。56元的餐，骨比例是肉既三倍。如果點餐要小心為上。

叉燒韭黃炒蛋🔥口感鬆軟，有叉燒、韭黃同雞蛋一齊炒，叉燒香之余，🐷帶有嚼勁，韭黃同雞蛋又滑又嫩。口水雞🐤川味代表菜，雞肉又滑又嫩，配上特製嘅調味汁，又麻又辣又香，🌶️食咗仲想食ヽ(○´∀`)ﾉ♪五香牛坑腩牛筋煲，🐮呢個煲真系幾有風味，牛腩又軟又入味，牛筋又有彈性，再配上五香嘅味道，好開胃❤️酸菜魚，🐟魚肉鮮嫩，酸菜又酸又脆，煮埋一齊真系好正，仲幾開胃！٩(๑ᵒ̴̶̷͈᷄ᗨᵒ̴̶̷͈᷅)و#北角美食 #北角

呢間北角川菜餐廳開咗唔夠一年，價錢平民化，間唔時午餐會嚟試吓。餐廳主打家常川菜，味道偏重，但不失用心。餐廳的老火湯味道濃郁，用料扎實，絕對唔係求其煲出嚟嘅版本，暖胃又滿足。農家川味回鍋肉肉片爆炒得香氣十足，唔會太乾，配搭大量蔬菜同辣椒，辣味適中，帶有濃郁嘅椒香，但又唔會過火，非常餸飯。雖然川菜一向重油，呢道菜望落係油份偏多，但食落去完全唔覺膩口。午市套餐主食可以改配擔擔麵，麵質少少彈牙有口感，湯底帶濃濃嘅花生香氣，調味唔會過鹹，作為主食剛剛好，值得推薦。某次試咗雲耳蒸雞，雞肉嫩滑入味，雞味濃，但骨位比較多，湯汁非常惹味，特別餸飯一流。另外，餐廳亦有港式餸菜，如乾炒牛河，送菜去隔籬枱經過時已經聞到濃郁嘅鑊氣。

今日突然好想食辣嘢所以去咗呢度食午餐我就嗌咗個水煮牛食佢個辣味真係好好食辣辣地都幾刺激咁啲牛入味得來，又唔會太過老配埋個白飯同埋凍鴛鴦成件事真係好夾真係好推介想食辣嘢嘅人過嚟食

🥰放工去688冰室食下午茶🍽🍴，呢間茶餐廳除咗港式食物外，都有有不少四川菜選擇，適合喜歡辣野的朋友🌶。👍餐廳幾多座位，自己一個都可以坐卡位，仲有電視機，環境幾寬敞舒適。😍今日一條友平平地叫個茶餐食。👍幾多選擇，例如水煮牛，口水雞，最終食酸菜魚。我配擔擔麵，份量多，🐟酸菜魚裡面材料豐富，有芽菜，蓮藕，寬粉。🧊🥤飲品，凍飲加3蚊，🍋檸檬茶夠冰涼消暑。688北角七姊妹道25-31號嘉蘭大廈地下C號舖

北角是兄弟姊妹居住的地方，因此都會經常來到這裏尋覓美食，今晚來到一間新開的川菜茶餐廳。內裝修雅致，坐得舒服。天府川皇水煮魚，魚片爽口彈牙，麻辣汁帶點藥材的香氣，配料還有芽菜和薯粉。老成都口水雞，醬汁香濃，辣度適中，雞肉鮮嫩美味，最特別是用黃豆代替花生。廣完麻婆豆腐$68 ，辣度適中，豆腐軟硬適中，這道小菜非常適合佐飯。擔擔麵，這裏的套餐大多是跟飯，另加$5可以轉擔擔麵。麵質爽口彈牙，湯底芝麻、花生醬味道濃郁，不想吃飯的可以一試。

喺北角買完嘢，諗住喺北角地鐵站附近食埋晚飯先返屋企，見到一間叫688嘅餐廳，佢除咗有茶餐廳一般嘅嘢食之外，仲有啲川菜菜式，咁啱我想食辣，同行朋友又想食茶記小菜，咁就食呢間啦。餐廳環境企理新淨。我哋叫咗半隻蔥油霸王雞，重慶飄香毛血旺，腐乳通菜炒牛肉，兩個白飯同埋兩杯凍檸茶。蔥油霸王雞半隻：蔥油雞上枱嘅時候仲係熱嘅。佢個豉油汁較得好好味。雞皮幾薄，肉嫩多汁。重慶飄香毛血旺：入邊有午餐肉，牛柏葉，鴨血，蓮藕，薯粉，娃娃菜同埋芽菜，材料好豐富。叫咗小辣，辣度對我嚟講啱啱好。腐乳通菜炒牛肉：份量好大碟。腐乳味濃惹味。牛肉都幾滑。凍檸茶：每杯都有四片檸檬，茶味濃。

又啟動咗發掘新餐廳嘅雷達😉之前響附近食小炒 經過呢度有間川菜感覺光鮮企理 睇過menu性價比幾高 一於嚟幫襯下老闆娘好熱情❤️‍🔥推介我地幾個菜式✔️酸菜魚 因為朋友唔食得太辣 老闆娘本身推介水煮魚 不過最後驚頂唔住 就點咗酸菜魚 魚肉份量好多 個湯飲落有淡淡嘅鮮味 酸菜嘅味道唔會太搶 食食下就有少少麻嘅感覺滲出嚟 配菜仲有薯粉、蓮藕、娃娃菜、芽菜 包保夠飽✔️麻婆豆腐 完全係偷飯賊～撈飯一流 豆腐好滑溜 配埋少少肉碎 濃味得嚟唔會話好辣 ✔️涼拌青瓜 最鍾意青瓜切咗粒 索汁能力提升 個汁食落酸酸地 配埋少少蒜粒 熱辣辣嘅天氣用嚟做開胃菜一流除咗川菜之外 一般茶記嘅食物都有蕃茄薯仔湯都好濃郁好好飲㗎聽到老闆娘同朋友傾計 原來有做福飯咁有善心 嚟支持下都好應該💕

又麻又辣嘅川菜令人又愛又恨，愛佢嘅麻辣味道層次，但又恨佢嘅刺激麻痹感覺。不過，好味嘅川菜，真係我愛你呀！位於北角嘅688，餐廳由獲獎川菜名廚主理，將主打正宗家常小菜帶到香港，川菜又點止麻辣火鍋呢！蟲草花雞腳排骨湯真材實料嘅老火靚湯，味道鮮甜。濃濃嘅骨膠原，非常滋補。天府川皇水煮魚水煮魚絕對係川菜嘅代表之一。紅卜卜嘅紅油配上無數嘅辣椒同花椒，所以一上枱就飄嚟陣陣嘅麻香味道，望落雖然好似好辣咁，但係其實味道係麻而不苦，油而不膩，層次非常豐富。無骨嘅魚肉非常滑嫩，加上入晒味嘅爽脆蓮藕片、大豆芽、涼粉等配菜，非常滿足。陳年花雕醉雞淡淡嘅花雕酒香味嘅陳手花雕醉雞，充滿層次，雞肉嫩滑，愛不釋手。金獎涼白肉得獎嘅小菜，當然係必食啦！豬肉肥瘦分明，油香肉嫩，加上香辣嘅醬汁，滋味又開胃！

688 地址: 北角七姊妹道25-31號嘉蘭大廈地下C號舖電話: =====================簡單用3個數字作為餐廳名字，688 開係北角港島區，放工我就過去食埋晚餐先返屋企啦川菜間中食，刺激的辣度令人醒覺，有活著的感覺，人出一身汗，感覺重生。前菜茄子個醬好濃，甜甜地先打開胃口炒士豆絲好爽口，辣辣地好惹味，呢道菜會落醋同炒，又會嚐到酸醋香椒尖魚，一整魚頭，條魚一定好大條先會有咁有份量的魚頭，沉一下湯汁令魚肉吸索味就，吃得不亦樂乎。蝦醬炒通菜，芳香樸鼻，唔辣架港式廣東菜

北角朋友鍾意試新嘢佢帶咗我嚟呢間餐廳佢話佢都未食過想食吓🤣「巴蜀辣子雞」：成碟全部材料都細細粒脆脆哋好香口🤣「農家川味回鍋肉（新鮮五花肉）」：五花肉半肥瘦夠晒甘香😋「蔥油霸王雞」：雞肉夠滑同埋有啲鹹鮮味，加埋啲薑蔥絲再好味啲🤣「蒜蓉炒小菜苗」：小菜苗新鮮夠爽脆，蒜蓉炒簡單好食😋「剁椒糖心皮蛋」：朋友話夠糖心🤣「蟲草花靚湯」：熱辣辣幾好飲😋「玫瑰冰粉」：冰粉滑脫脫，仲加咗玫瑰糖漿，有淡淡嘅玫瑰香味😋

北角🚇呢間688川菜館係由🇨🇳國內來港嘅得獎名廚主理👨‍🍳，主打高質嘅川菜，亦可以同餐廳訂製😊私房菜。酸辣🌶️海帶絲入口爽脆而且充滿海洋🌊氣息，加上酸酸辣辣嘅調味🤤十分之開胃！陳年花雕醉雞🐓肉質十分之嫩滑，淡淡嘅🍶花雕酒香，味道平衡度好好😋。麻辣牛坑腩牛筋煲🥘十分之有驚喜，牛坑腩肉質鮮嫩肥美，🐂牛筋煮得軟滑腍，🌶️麻辣湯底夠惹味，加上好入味嘅白蘿蔔真係唔錯👍！江南特色🐖東坡肉肥瘦均勻，入口香甜🍖唔會太肥膩，滋味滿滿餸飯🍚一流。玫瑰🌹冰粉每一啖都充滿香甜嘅🥰玫瑰味，而且佢冰涼🧊嘅口感，絕對係解辣神器🤩！

688 (北角)北角七姊妹道25-31號嘉蘭大廈地下C號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：天府川皇水煮牛肉(可轉酸菜) $148，成都口水雞 $72，玫瑰冰粉 $28/位天府川皇水煮牛肉：獨特滋味的水煮湯汁有深紅的顏色，內含大量的辣椒、香葱及香茜，散發出陣陣誘人香氣。牛肉嫩滑多汁，數量足以覆蓋湯碗表面，搭配彈牙的四川涼粉，還有蓮藕和芽菜等配料，色香味俱全！😄😄😄成都口水雞：雞肉非常鮮嫩而有彈性，以雞脾肉為主，每一口都能夠品嚐到雞肉的鮮甜和柔軟，搭配了辣椒、花椒等多種香料，味道麻辣濃烈，令人陶醉！👍👍👍玫瑰冰粉：帶有濃郁的玫瑰花香氣，口感類似於高質燕窩，質地細膩滑爽，冰涼透心，十分解辣，食到唔停得口！😍😍😍