Cakebearbear (已結業)

🍴 韓風牛舌 +$12辣辣哋，似日式辣味螺肉，偏腍身。🍴芝士燒帆立貝（2隻） $65係芝士加蛋黃醬，食落去好濃郁，帶子細細粒，但勝在肉質彈牙幾好👍🏻🍴明太子忌廉大蜆意粉 $138比想像中多好多汁，食落去係日式嘅感覺，不過比較腥同鹹，應該係個蜆肉出水嘅問題，味道有待改善，一般般啦。🍴黑松露蘑菇鵝肝燴飯 $165呢個真係好好食，鵝肝剪到金黃色，食落去好香濃，個飯濕度剛好，好有黑松露味！🍴抹茶鮮奶 +$16 叫咗走甜，店主好細心問我使唔使加cream，水冇咁邪惡就冇加到啦，飲落去抹茶好香濃，奶都有奶味。推薦指數: 7.5/10Cafe嚟講都算係幾抵食，夜晚百零蚊又有嘢飲，兩個人加埋小食都唔會好貴，都值得一去嘅小店！小店有好多熊仔，粉紅色啱晒打卡！