CURE

營業中

休息中

北角一間充滿時尚感嘅酒吧，用餐環境低調又酷炫。黑色主調搭配強勁音樂，場內螢幕不停播放藝術化嘅動態圖案，氣氛迷人又帶點未來感🍸 *Nostalgia in a Glass* ：呢款cocktail集咖啡、奶茶同酒香於一身，入口柔滑，Ceylon紅茶與蘇門答臘濃縮咖啡帶出一種香濃而悠長嘅回味。Rum同Frangelico添上果香與堅果氣息，Kahlua酒香再配合肉桂粉嘅溫暖氣味，令人仿如回到懷舊時光，充滿層次感。🔥 *Fire & Harmony* ：呢款cocktail一飲令人驚艷，煙燻與辣椒注入嘅龍舌蘭酒濃烈帶勁，青檸汁嘅清新同Cointreau橙香完美調和，最後加埋肉桂香同紫蘇葉點綴，帶來微辣又香甜嘅獨特味道，平衡得極具巧思。🍗 *炸單骨雞翼* ：外皮炸至金黃脆口，雞肉鮮嫩多汁，微微鹹香，係啤酒或者雞尾酒嘅好拍檔。🐓 *炸雞軟骨* ：入口香脆有嚼勁，鹹香適中，愈食愈停唔到口，配搭酒精飲品一流。