影片
更多
2022-06-02
371 瀏覽
去到北角，朋友book咗呢間復古Cafe，用咗好多復古傢俬同埋植物佈置，打卡真係一流，食物就麻麻哋啦，但影相係靚嘅，甜品都唔錯，如果去食建議食甜品比較好！🍴是日餐湯 (4/10)南瓜湯加兩塊麵包，南瓜湯質感好稀，味道比較淡，冇咩南瓜味，黑椒味好濃，麵包偏硬正正常常。🍴沙律 (3/10)醃製魚肉，青瓜，藜麥，同埋堅果 ，組合真係好新奇，青瓜片爽口，藜麥一粒粒好有口感好健康，堅果增加咗香脆口感，但魚肉出事，超級鹹，好似鹹魚咁，食咗一啖就食唔落，配沙律唔係太夾。🍴海鮮千層麵 $168 (6/10)千層麵比想像中少，得三層，中間有啲魷魚蜆肉，係蕃茄味，酸酸地，芝士份量都足，幾香口，味道都普普通通冇話特別好食，口感同層次好單調，唔知點解陪咗沙律同埋麵包？啲沙律落得太多鹽好咸，麵包都係正常硬法包。🍴西班牙海鮮飯 $198 (4/10)完全唔係西班牙海鮮飯，就咁蕃茄燴飯加幾舊海鮮，都係酸酸地蕃茄味，一啲都唔香辣，冇香料味道，唔係西班牙風情，真心麻麻。啲海鮮除咗蝦仁之外，其他都好似唔係好熟，有啲腥，唔好食😂🍴ICED FRUIT TEA CRISH +$18 (2/10)杯嘢係士多啤梨香橙果茶，侍應同
🍴是日餐湯 (4/10)
南瓜湯加兩塊麵包，南瓜湯質感好稀，味道比較淡，冇咩南瓜味，黑椒味好濃，麵包偏硬正正常常。
🍴沙律 (3/10)
醃製魚肉，青瓜，藜麥，同埋堅果 ，組合真係好新奇，青瓜片爽口，藜麥一粒粒好有口感好健康，堅果增加咗香脆口感，但魚肉出事，超級鹹，好似鹹魚咁，食咗一啖就食唔落，配沙律唔係太夾。
🍴海鮮千層麵 $168 (6/10)
千層麵比想像中少，得三層，中間有啲魷魚蜆肉，係蕃茄味，酸酸地，芝士份量都足，幾香口，味道都普普通通冇話特別好食，口感同層次好單調，唔知點解陪咗沙律同埋麵包？啲沙律落得太多鹽好咸，麵包都係正常硬法包。
🍴西班牙海鮮飯 $198 (4/10)
完全唔係西班牙海鮮飯，就咁蕃茄燴飯加幾舊海鮮，都係酸酸地蕃茄味，一啲都唔香辣，冇香料味道，唔係西班牙風情，真心麻麻。啲海鮮除咗蝦仁之外，其他都好似唔係好熟，有啲腥，唔好食😂
🍴ICED FRUIT TEA CRISH +$18 (2/10)
杯嘢係士多啤梨香橙果茶，侍應同我哋講冇落糖，又真係冇落喎，因為一啲味都冇，好似飲水咁，有好輕微嘅士多啤梨同橙味，好似加咗勁多水落去稀釋，真心寧願飲水。
🍴提拉米蘇千層蛋糕 $65 (7/10)
冇諗過甜品會有啲驚喜，Tiramisu幾香，起碼有可可粉係面頭，啲cream都幾有奶香，幾creamy，真係做到千層效果，唔會太濕。雖然唔係正宗Tiramisu有酒味，回甘微苦咁，但都算全餐最好食嘅嘢！
🍴紅絲絨蛋糕 $65 (5/10)
唔係好知係咩蛋糕，食落酸酸地嘅檸檬味，質感比較濕，白色嘅係cream cheese，但味道好淡，冇咩芝士味，口感比較清新嘅，但唔係太鍾意食。
推薦指數: 5/10
環境好唔錯，食物賣相都好好，影相一流！但主菜味道真係唔得，普通過茶餐廳，甜品好啲起碼好食啲，食正餐就唔推薦，但如果想打卡嘅話食甜品都可以。
張貼
