九份飽 (蜆殼街) (已搬遷) 新店位置

呢間位於北角嘅台式小店, 開業只係幾個月, 今日就同朋友嚟試一試。控肉飯 ($40) 呢個飯特別之處係, 除一般滷肉外, 併上一片厚厚肥肉, 肥相當軟熟, 又夠入味, 拌飯一流。肉鬆起司蛋餅($30)薄薄蛋餅包起半溶芝士同台灣肉鬆, 加上台式醬料, 有街頭夜市嘅質素。台灣香腸($35) 焦香肥美, 拌上香蒜片更有風味。九份芋圓($35) 份量頗多, 芋圓以外仲有仙草、豆花、紅豆等配料整體甜度偏高, 但勝在夠凍。黑糖花生麻薯($25)質感軟糯, 簡單美味。