豚豚食堂

營業中

休息中

之前經過北角，打算食個快餐，見到「豚豚食堂」啲嘢食睇落去性價比幾高，二人餐都幾多小食呢。<自選二人套餐> $235燒雞扒咖哩飯燒雞扒有驚喜，雞扒皮薄但厚肉，外皮煎得香脆，再加埋日式經典咖哩汁+日本珍珠米白飯，安心之選唔會伏。白豚拉麵拉麵配料有叉燒、蔥、木耳絲、半粒流心蛋，麵條軟身好咬，叉燒就略嫌有少少鞋，而湯底尚算順口，但味道有點單一。燒魚餅魚餅軟糯彈牙，鮮味都夠出，可以加埋側邊嘅薑泥食。牛油炒草菇加咗牛油一齊炒，草菇爽口。北海道南瓜炸薯餅甜甜嘅南瓜餡料香糯可口，相信小朋友會好鍾意呢個薯餅。餐廳繁忙時間都幾多人排隊，留意返用餐時間為一個小時。