正九清湯腩．冰室 (美輪大廈)

營業中

休息中

北角站附近都有幾間食腩河，午市呢間都真係排晒隊。餐廳位於地鐵站一出，勁方便，而且好新淨，座位以經營粉麵嚟講算多位，閒日中午等位應該都係基本。主打清湯腩，為咗迎合午市，會有經濟既飯麵午餐。清湯牛腩河 $52升級坑腩+$8，肥瘦相間，口感腍中帶爽，亦有香濃牛味，清湯先享受到坑腩既原汁原味。蔥花用匙羹分開，枱用辣椒油供應。酸辣魚片餃子米線 $58酸辣味只屬bb級，適合大部人士。餃子四隻，魚片都幾多，米線幼滑，包野飲，午餐都幾豐富。炸魚皮 $20絕對要用大件夾抵食形容，仲多過平時就咁買一包，而且非常香脆，兩個人都食唔晒。腐乳通菜 $19通菜翠綠，最重要係爽脆，腐乳醬惹味。腩汁蘿蔔 $15蘿蔔軟腍，入口即融，無渣，少量腩汁提味。口水雞 $50口水雞醬酸中帶辣，撈埋米線變口水雞米線都唔過分。