正九清湯腩．冰室 (美輪大廈)

營業中

休息中

餐廳：正九清湯腩．冰室地點：北角英皇道菜式：冰室餐牌：百搭套餐、百搭小菜、西式焗、常餐、新鮮牛腩牛骨,各款飯，飲品，午餐，下午茶餐等等。選擇超多。星星豬扒配炒蛋丹麥酥 $48星星豬扒超大片，賣相一流，原來面頭加上無數紅白綠紫星星脆片，令口感更加脆，而豬扒肉量都唔少，食落啖啖肉，豬味濃，配有千島醬令入口更滑溜。丹麥酥係烤過既方包，口感非常酥脆，暖暖地上枱，面頭已經搽上一層牛油，好香口。滑蛋有汁。淨清湯牛腩 $138淨清湯牛腩超多，一共有廿幾件牛腩，整得好淋，牛味濃，無特別吩咐已經係半肥瘦，果然係招牌。下底四大舊白蘿蔔，又淋又香。加有蔥花。個湯果然係清湯，味道唔錯。牛腩河粉 $42 加菜肉雲吞 $8牛腩一客6件，同淨清湯牛腩一樣質素。加有蔥花。河粉份量唔少，好滑溜，個湯好清。$8有兩隻大大隻菜肉雲吞，皮薄餡靚，超多菜，好健康。汽水跟餐唔洗加錢，有獨立包裝飲管。個人最鍾意呢間分店，因為食物選擇多元化，除左傳統粉麵，都有茶餐廳美食。餐廳裝修光猛，算乾凈。星期日下午茶時段滿座。

餐廳：正九清湯腩．冰室地點：北角英皇道菜式：冰室餐牌：百搭套餐、百搭小菜、西式焗、常餐、新鮮牛腩牛骨,各款飯，飲品，午餐，下午茶餐等等。淨清湯牛腩 $138淨清湯牛腩超多，一共有廿幾件牛腩，整得好淋，牛味濃，無特別吩咐已經係半肥瘦，果然係招牌。下底四大舊白蘿蔔，又淋又香。蔥花另上。個湯果然係清湯，味道唔錯。牛腩河粉 $42牛腩一客6件，同淨清湯牛腩一樣質素。蔥花放匙羹。河粉份量唔少，好滑溜，個湯好清。加菜肉雲吞 $8呢個價錢有兩隻大大隻菜肉雲吞，皮薄餡靚，超多蔥花。香煎牛扒拼炒蛋丹麥酥 $48香煎牛扒兩大薄片，整得肉嫩味道好，帶適量燒汁同少少黑椒已夠味。丹麥酥非常酥脆，暖暖地上枱，面頭已經搽上一層牛油，好香口。滑蛋有汁，配有一片番茄。呢個餐好豐富。汽水跟餐唔洗加錢，有獨立包裝飲管。今餐食物真係好正，就算牛腩以外食物質素都好！餐廳裝修光猛，算乾凈。

🌟作為正九清湯腩的長期支持者，以往總為一碗清湯腩而來，今次特意試下冰室分店的晚市小菜套餐，有截然不同的風味。🌟百搭套餐🍲砂鍋雲吞雞湯頭清澈鮮甜，雞香溫和不膩，雲吞皮薄餡飽，豬肉同菜比例恰好。🍲海味雜菜煲蝦乾、鮮魷魚增加鮮味，蔬菜吸盡海味精華，湯汁濃淡得宜。仲有白菜、西蘭花，菜心，保留爽脆，清淡又健康。🐟香煎比目魚扒魚皮煎至金黃微脆，肉質細嫩油潤。分量足三片，搭配沙律醬更開胃。🌟套餐附白飯兩碗＋自家製糖水(蕃薯糖水)，不過因為走碳水，所以無要到😆🦐香濃芝士焗蝦球配烏冬 拉絲芝士鋪滿表層，蝦球大隻彈牙，配上芝士醬濃而不膩。烏冬吸汁力強，掛滿奶香。加$8配🥤凍檸茶🥤凍檸賓🌟套餐$268有三菜＋飯糖水，份量夠2-3人分享，飽肚抵食。小菜拍得住招牌牛腩，值得再訪。

#豬同鴨講 #Pig2duck▫️🔍 正九清湯腩．冰室 (美輪大廈)📍 香港北角英皇道442-456號美輪大廈地下12及12A號舖▫️📝 ★★★★★ 👍▫️▫️▪️▪️▪️▪️▪️▪️▪️▪️▪️▪️🥢 有好多間分店嘅正九清湯腩，平時清湯腩就食得多啦 🤫 🍳 今次轉下口味，試吓佢哋嘅小菜，同樣出色 🌈▪️▪️▪️▪️▪️▪️▪️▪️▪️▪️▫️▫️【 蒜蓉粉絲蒸蝴蝶蝦 】 HK$108🦐 蒜蓉粉絲真係天下無敵，蝦肉爽口彈牙，仲撈埋啲汁食飯 🍚👇👇👇▫️▫️【 風味艇皇炒蜆 】 HK$88🌪️ 蜆肉無沙，隻隻都開口，證明夠新鮮，豉椒炒蜆嘅配搭又係一絕！💯👇👇👇▫️▫️【 潮式炸蠔烙 】 HK$88😍 好欣賞依個炸蠔餅，用料一啲都唔孤寒 🦪 份量足兼好多隻蠔仔，粒粒都大大隻！👇👇👇▫️▫️【 椒鹽魷魚鬚 】 HK$78😈 極邪惡，有時出面食個啲會甩皮，依到嘅火候同烹調時間控制得好好🦑👇👇👇▫️▫️【 香水茅香檸檬茶 】 跟餐HK$15🍋 清新嘅檸檬茶，唔會太甜，尤其食完咁多炸嘢，清新一下味蕾！👅👇👇👇▫️▫️完！▫️▫️

剛剛響道生食唔到好嘢心有不甘，繼續往前覓食經打聽之下，原來書局街仲有一間值得試吓又係正九，油麻地嗰間差到不得了，不過見有師兄又話呢度得，又試吓囉環境有啲似什麼紅茶館茶餐廳嘅格局，乾淨企理招呼態度又好。北角區好似少見啲。好啦，坐低叫咗碗坑腩米多蔥跟住影吓環境等食嘢。碗粉一嚟到眼前一亮，有筋有肉有膜有肥膏第一啖係飲湯，個湯好香好香嘅油脂味，但係呢佢又一啲唔肥膩，忍唔住飲多兩三啖，跟住開始食牛腩，嘩真係好肥，肉味香甜，筋位煙煙韌韌有少少似糖心鮑魚嗰啲啜刀嘅感覺，肥膏油脂油甘香，仲要有成八至九件件件都各有特色，食到呢度我有啲擔心死啦下次嚟會唔會食唔返咁樣嘅質素？希望唔會啦。就算頭先響度生食晒啲嘢同飲飲晒啲湯，我都忍唔住將呢度嘅牛腩同埋啲湯全部清晒，我今日食到呢個質素絕對唔會輸比其他名店，真係好幸福😋😋😋估唔到香港正九好好多

門面寬闊有氣勢，分店眾多的正九清湯腩，是民生區最需要的街坊餐廳。環境尚算乾淨企理，一般茶餐廳的佈局，最特別是這裏有粵式小菜提供，小價錢大滿足。點了幾款小菜，剁椒豆腐蒸鲩魚腩 $98用了布包豆腐，比起超市的盒裝豆腐，更有豆腐味。厚切鯇魚腩，肉質嫩滑沒有草腥味；唯有點碎骨，未能大口大口的盡情享用。漁村蒸肉餅 $95完美的蒸肉餅，調味非常好，肉餅質地鬆軟。配合銀魚仔、土魷及蝦乾，層次豐富，encore之選。馬拉盞炒生菜 $68生菜嫩滑，馬拉盞惹味，好食縱然小菜出色，牛腩麵也是要來一份。點了牛筋腩擔擔麵 $68，牛筋及牛腩軟腍入味，味道甚好。湯底是加入花生醬味的清湯，擔擔味道未算濃郁。冷熱檸茶，光顧茶餐廳的必選項目 😂😂

作為牛腩愛好者，專程嚟食 正九清湯腩冰室，果然名不虛傳！招牌 #崩沙腩幼麵湯底清澈卻充滿牛骨香氣🐮，崩沙腩半肥瘦嘅紋理完美，筋膜部分軟糯膠質滿滿，幼麵吸盡精華，每啖都係享受～ #流心芝士西多邪惡度爆表🧀🍞，切開金黃酥脆嘅多士，牛油同半溶芝士如瀑布湧出，配蜜糖甜鹹交織～ 驚喜發現期間限定 #百香茉莉果茶🌼🍎茉莉花香同百香果嘅酸甜平衡得啱啱好，解膩一流！#經典凍鴛鴦茶啡比例剛好☕️，香滑唔澀口，杯邊仲掛住水珠超誘人💦！餐廳乾淨企理，而且set lunch價錢都好吸引，難怪咁多人幫襯！

九記茶餐廳嘅格局乾淨企理招呼態度又好。坐低叫咗碗坑腩米多蔥跟住影吓環境等食嘢碗粉一黎到眼前一亮，有筋有肉有膜有肥膏第一啖係飲湯，個湯好香好香嘅油脂味，但係呢佢又一啲唔肥膩，忍唔住飲多兩三啖，跟住開始食牛腩，嘩真係好肥，肉味香甜，筋位煙煙韌韌有少少似糖心鮑魚嗰啲啜刀嘅感覺，肥膏油脂油甘香，仲要有成八至九件件件都各有特色，湯都全部清埋，食到呢個質素絕對唔會輸比其他名店，真係好幸福估唔到香港正九好好多。唔洗去九X被罵啦！

呢一餐算係價廉物美，而且餸菜嘅選擇好豐富，唔單止係清湯牛腩，仲有其他小菜可以選擇。但我哋最欣賞嘅都係清湯腩，果然係招牌菜，非常清甜嫩口，係必食推介！白蘿蔔非常清甜，我係食唔停口醉雞亦都夠滑夠香嫩，淡淡酒香幾啱我口味。白灼蕹菜比較清淡健康，但係加上地道嘅腐乳醬，用嚟送飯一流。咖喱牛腩嘅咖喱汁微辣好香，薯仔紅蘿蔔都好入味，又係好適合送飯。飲品方面跟餐加錢，母親大人飲熱檸蜜養生，我就覺得配上凍檸樂最過癮！

行完新開放的北角東岸板道同懐緬新光戲院後，大飽眼福，肚仔有d餓，去左北角醫肚。餐廳主打清湯腩，crossover茶餐廳，相當有特色。我地黎左一場魚宴，剁椒豆腐蒸鯇魚腩菜品色澤紅亮、味濃、肉質細嫩。肥而不膩，鯇魚肉厚而鬆，富有蛋白質及脂肪，蒸魚帶出鮮魚美味，配上豆腐健康一流。魚片三色蒸水蛋鱸魚肉質結實，層次分明，鱸魚的肉質細膩，入口柔軟，帶有微妙的甜味，能夠帶來愉悅的食用體驗。蒸水蛋嫩滑無比，兩者結合得恰到好處!

位於北角英皇道的「正九清湯腩•冰室」，顧名思義係一間主打清湯牛腩的茶餐廳冰室農家小炒肉半肥瘦豬腩肉加咗香蔥、辣椒🌶️尖椒一齊爆炒，幾有鑊氣，好惹味，佐飯一流濃湯鮮菌浸時蔬鮮菌充滿菇菌香氣；小白菜新鮮翠綠，口感爽脆，吸滿濃湯，健康美味清湯牛腩河粉招牌清湯牛腩，可以揀肥瘦度，我就揀咗半肥瘦。牛腩入口鬆軟，啖啖肉，牛味濃郁美味！河粉好滑溜，掛滿清湯，正呀！蜜桃烏龍果茶冰凍清甜的蜜桃烏龍果茶，幾好飲百香茉莉果茶茉莉百香果茶甜度適中，帶陣陣果香

最近聽朋友話北角有間冰室，主打清湯腩、特色小抄、粉麵飯同多款經典茶記菜式，價格親民，份量足，性價比高，難怪咁多上班族同街坊幫襯。店內環境唔大，座位之間有適當距離，店員服務態度友善，經過可以一試。私心推介蒜蓉粉絲蒸蝴蝶蝦，出面比較少見，蝦幾大隻，新鮮，鮮甜，咬落彈牙，上面鋪滿蒜蓉同粉絲，可增添口味。避風塘炸豬手超級脆，骨膠原十足，QQ哋帶咬口、果香黑醋骨甜度適中，掛汁，肉質鮮嫩，十分開胃，配飯一流。

🐣復活節留港消費 小資女當然要搵啲高性價比食店呢間主打賣清湯腩嘅粉麵店 響北角仲開埋冰室而且套餐仲要勁抵食 叫三餸都唔肉赤 而且份量超大💁🏻‍♀️套餐有飯同糖水送～❣️沙薑紅蔥頭油淋雞冇諗過份量係半隻 初初仲諗住係例牌 而且隻雞嘅size唔細雞肉煮到恰到好處 唔會老 夠滑得嚟又唔會見到血水沙薑汁唔會太濃 唔會搶到雞嘅鮮味 配埋經蔥頭油更香口❣️果香黑醋骨即叫即做 黑醋骨係bite-size 醃到好入味 食落夠腍粒粒都比又黏又濃郁嘅黑醋汁包裹着 好滋味又開胃❣️風味艇皇炒蜆好有鑊氣 蜆肉粒粒飽滿 最緊要冇沙 豉椒汁好惹味 撈飯一流❣️番薯糖水食落唔會好甜 好清新 仲有幾件煮到好腍嘅蕃薯 有誠意❣️腩汁蘿蔔蘿蔔清甜冇筋 吸收晒清湯腩汁嘅精華❣️腐乳通菜腐乳汁好惹味 通菜條條翠綠

🏮北角的正九清湯腩.冰室好吃的值得回訪。環境舒適乾淨企理不在話下，而且燈光火猛，讓人用餐舒適。🍜冰室除了正宗招牌菜清湯腩外，🫕還有各種茶記常餐、🥘中式小炒、🫓焗飯等等。這次就試試其他健康又好吃的菜式吧。🦑濃魚湯海味雜菜煲 $88🥬濃魚湯海味雜菜煲搭配多種新鮮蔬菜，🥦有西蘭花、白菜和菜心，其中雲耳咬口脆爽，芹菜有種淡淡清新的香氣，🫑營養豐富又健康。🦐濃魚湯底濃郁，魚湯鮮美加上各種海味交融，令人垂涎欲滴。而魷魚和蝦乾使整體風味更為豐富，🍲海鮮的鮮甜與蔬菜的清香相互交融，令人感到滿足。🍑蜜桃烏龍 跟餐$15琥珀色的烏龍茶口感醇厚，結合了蜜桃的清新，🥗聞著有淡淡的果香，十分配合今天的菜式。📍正九清湯腩．冰室 🏠北角英皇道442-456號美輪大廈地下12及12A號鋪⏰08:00 - 23:00🚙港鐵北角站B1出口，步行約1分鐘#hkig #hkfoodie #hongkongfood #hkfood #hkfoodporn #hkfoodies #instafood #hkfoodbloggers #hkigers #ilovesharingfood #openrice #hkinfluence

砂鍋雲吞雞套餐❤️菜肉雲吞勁大粒，多菜小肉我鍾意！所以食起上嚟一啲都唔膩，粒粒都咁飽滿，皮薄餡靚。雞有半隻，食起上嚟都幾嫩口，一啲都唔嚡仲幾香雞油味。另外配多 兩款小菜風味艇黃炒蜆❤️醬汁超級惹味，蜆肉飽滿脹卜卜！ 絕對係白飯殺手濃魚湯海味雜菜煲❤️ 多款蔬菜，湯頭鮮甜，仲有魷魚鬚，乾瑤柱，蝦干配料，健康開胃。套餐仲包另兩碗白飯同兩碗番薯糖水❤️ 正！潮式湯浸黃立䱽❤️黃立䱽香煎過，湯底胡椒味濃，仲有蘿蔔酸菜，食起上嚟好鮮味。腩汁蘿蔔❤️入口即溶無渣芥蘭全走❤️正常發揮夠爽甜百香果茶❤️大大大滿足