影片
更多
2021-12-21
3024 瀏覽
天氣凍梗係要瘋狂打邊爐，今日約咗荃灣嘅地膽朋友食飯，佢推介呢一間打邊爐放題，佢話呢度咩野都有得食😍我哋揀咗最貴嘅Level，晚市火鍋C餐，2小時放題，除咗有基本嘅火鍋肉類、海鮮、配料、甜品之外，仲有刺身、壽司、炸物、燒物、沙律、日式料理，加雪花牛小扒&澳洲手切牛肉😍😍😍諗返起都覺得豐富到極入到去坐低先揀湯底，呢度嘅湯底都係港式嘅選擇，最好就係可以每人一鍋又得，一枱一鍋又得，睇你自己鍾意。我哋今次揀咗每人一鍋，我要咗香檸藤椒金湯，少少辣，我好鍾意青辣椒嘅味道，我朋友就揀咗壽喜燒湯底呢度牛肉嘅質素都唔錯，最靚嘅雪花牛小排，油脂分布平均，牛味十足，我哋前後都叫咗好多碟，比較特別嘅就係有牛舌，唔係間間任食火鍋店會有牛舌提供，啱晒我，我好鍾意食落有咬口嘅牛舌口感👍🏻👍🏻呢度嘅火鍋配料就比較一般，唔會好似台式火鍋店嗰啲有啲花臣，但係基本上正常嘅丸類都會有。除咗可以手機落單之外，出面亦都有自助區可以拎各類蔬菜、豆腐等等除咗打邊爐之外，另一主角就係壽司同埋刺身。我本身冇咩期望🤣所以上枱後發現質素唔差就覺得好抵，壽司舊飯細細舊，刺身色澤新鮮，唔會重雪味打打下邊爐嘅途中，我哋都叫咗啲串燒過下口癮，例如有雞
我哋揀咗最貴嘅Level，晚市火鍋C餐，2小時放題，除咗有基本嘅火鍋肉類、海鮮、配料、甜品之外，仲有刺身、壽司、炸物、燒物、沙律、日式料理，加雪花牛小扒&澳洲手切牛肉😍😍😍諗返起都覺得豐富到極
入到去坐低先揀湯底，呢度嘅湯底都係港式嘅選擇，最好就係可以每人一鍋又得，一枱一鍋又得，睇你自己鍾意。我哋今次揀咗每人一鍋，我要咗香檸藤椒金湯，少少辣，我好鍾意青辣椒嘅味道，我朋友就揀咗壽喜燒湯底
呢度牛肉嘅質素都唔錯，最靚嘅雪花牛小排，油脂分布平均，牛味十足，我哋前後都叫咗好多碟，比較特別嘅就係有牛舌，唔係間間任食火鍋店會有牛舌提供，啱晒我，我好鍾意食落有咬口嘅牛舌口感👍🏻👍🏻
呢度嘅火鍋配料就比較一般，唔會好似台式火鍋店嗰啲有啲花臣，但係基本上正常嘅丸類都會有。除咗可以手機落單之外，出面亦都有自助區可以拎各類蔬菜、豆腐等等
除咗打邊爐之外，另一主角就係壽司同埋刺身。我本身冇咩期望🤣所以上枱後發現質素唔差就覺得好抵，壽司舊飯細細舊，刺身色澤新鮮，唔會重雪味
打打下邊爐嘅途中，我哋都叫咗啲串燒過下口癮，例如有雞軟骨、多春魚、燒菠蘿、腩肉粒，串燒比較失色，好幾款都係細細粒，唯有叫多幾串補數😎
最後，最令我驚喜嘅就係各款甜品，種類多到我係試唔晒嘅，最推介嘅兩款就係抹茶🍵芭菲&榴連甘露
120分鐘由頭食到尾，到最後埋單真係飽到捧住個肚走😆😆張貼
