影片
更多
2024-11-06
300 瀏覽
話說有日一個朋友話想食酸菜魚，另外一個又話要食上海嘢，但係我本人又想食小菜，爭持不下之際，竟然俾我哋搵到間乜都有得食嘅上海小菜館涼拌麻油海蜇食海蜇最怕唔夠凍，呢一個就夠晒凍，超級爽脆，作為前菜啱啱好.招牌酸辣湯話晒都係上海菜館，梗係加$15叫返個酸辣湯試吓。濃稠度，酸辣度都啱啱好。涼浸浸嘅天氣整返碗熱辣辣嘅酸辣湯，冇得頂.川式酸菜魚片魚肉大大嚿，辣度有得揀。我朋友揀咗小辣，辣度啱啱好，成份食晒之後仲有少少麻添。寬粉雲耳芽菜嘅份量都幾好，基本上淨係食呢一個都已經好夠飽.西蘭花炒蝦球呢個價位比到咁多隻蝦球，簡直係抵到爛，炒西蘭花夠晒鑊氣，正柱侯牛腩煲天氣開始轉涼，就係想叫返啲熱辣辣嘅小菜煲物嚟食。牛腩夠冧，柱侯醬入晒味，攞嚟撈飯一流晚飯套餐有得加$15轉擔擔麵初初以為都係同個白飯差唔多大細，點知一嚟到超大碗，有花生味同埋辣辣地夠晒熱，唔錯唔錯.三條友咩都想食嗌咗好多嘢，點知嚟到樣樣都超大份，仲見到隔籬枱嗰碟菜都好大碟🤣今次真係食到捧住個肚走。晚飯時間都幾多人食，證明都係一間價錢親民食物質素OK嘅小店。 順帶一提跟餐飲品可以揀揀道地樽裝茶，坊間少見👍🏻
涼拌麻油海蜇
食海蜇最怕唔夠凍，呢一個就夠晒凍，超級爽脆，作為前菜啱啱好
.
招牌酸辣湯
話晒都係上海菜館，梗係加$15叫返個酸辣湯試吓。濃稠度，酸辣度都啱啱好。涼浸浸嘅天氣整返碗熱辣辣嘅酸辣湯，冇得頂
.
川式酸菜魚片
魚肉大大嚿，辣度有得揀。我朋友揀咗小辣，辣度啱啱好，成份食晒之後仲有少少麻添。寬粉雲耳芽菜嘅份量都幾好，基本上淨係食呢一個都已經好夠飽
.
西蘭花炒蝦球
呢個價位比到咁多隻蝦球，簡直係抵到爛，炒西蘭花夠晒鑊氣，正
柱侯牛腩煲
天氣開始轉涼，就係想叫返啲熱辣辣嘅小菜煲物嚟食。牛腩夠冧，柱侯醬入晒味，攞嚟撈飯一流
晚飯套餐有得加$15轉擔擔麵
初初以為都係同個白飯差唔多大細，點知一嚟到超大碗，有花生味同埋辣辣地夠晒熱，唔錯唔錯
.
三條友咩都想食嗌咗好多嘢，點知嚟到樣樣都超大份，仲見到隔籬枱嗰碟菜都好大碟🤣今次真係食到捧住個肚走。晚飯時間都幾多人食，證明都係一間價錢親民食物質素OK嘅小店。 順帶一提跟餐飲品可以揀揀道地樽裝茶，坊間少見👍🏻
張貼
