1
香醋浸皮蛋，上枱都幾香，醋應該自己再調過，唔會好酸但好香，入味醒胃😍開胃菜啱晒，杏汁白肺湯，好大盤，杏汁味濃香，好白好純，粉粉地飲落濃得黎好舒服🫶🏻超高質既白肺湯，推薦👍🏻上湯豆胚，出街食唔係咁易搵到地方有，上湯都幾濃，豆胚超級嫩，好好味🤤
海鮮小炒王，好有特色，平時都係韭菜、韭菜花，呢度用豆角再加埋油炸鬼等配料🥳蝦同魷魚都好有鑊氣，加支大啤，超有大排檔風味🇭🇰臘味煲仔飯，大大煲原煲上，打開淋豉油撈撈撈，鏟起埋啲飯焦再撈撈撈，飯香味加豉油香味加臘味香味🤞🏻飯粒粒粒分明，加咗豉油同埋帶臘味味真係幾好食😋臘腸、潤腸當然係冬天食煲仔飯必要，飯焦香脆，高質煲仔飯😎
非常高質嘅現做手工菜，味道好又有特色🌟記住要訂位同埋訂菜，有好多人都係特登嚟食，特登訂做手工菜，支持小店！🙌🏻🙌🏻
