牛魔 (已結業)

同男朋友下午突然之間好想食燒肉，去左位於尖沙咀嘅牛魔🐷之前聽人話無煙燒肉都半信半疑🤨今次心血來潮就去試試佢啦🥩～～（劇透𝐒𝐩𝐨𝐢𝐥𝐞𝐫 𝐀𝐥𝐞𝐫𝐭：好Ok喎！！！）午市套餐我哋揀左A1同A13！每一個套餐可以自選三款醬汁，因為我哋都唔係啲鍾意醬汁嘅人，所以最推介其實係檸檬鹽🥹🤭以下落嚟逐個套餐講吓！𝐀𝟏 牛五花評分｜💛💛💛💛🤍雖然佢嘅脂肪比較多，但係燒完之後啲牛油其實勁香同埋非常之滑！唔會覺得好油膩～（你哋見到個爐側邊一排窿窿其實就係抽氣扇，油煙係一出嚟就真係好似100%抽走咗咁，所以食完之後完全唔會覺得個身有好大浸油煙味🌪️）𝐀𝟏𝟑 日本𝐀𝟒和牛西冷、牛板腱評分｜💛💛💛💛💛呢個其實唔使講，真係好好食！！🐷🐷和牛超級大塊～～雖然絕對唔係入口即溶，但係食完之後都非常之滿足！牛板腱就係健人lean protein首選，無乜脂肪🤭非常之欣賞佢嗰個紫菜飯，勁香，抵食🍙🍙！！係非常滿足嘅一餐啊～～有個小小插曲！因為我哋一開始唔識野：有一塊牛比我地燒爛了嘻嘻😜後來職員主動過嚟示範，仲教我哋要用佢比嗰舊檸檬🍋嚟抺下個爐先燒！服務態度是100分吧嗯！