影片
更多
2020-06-07
725 瀏覽
前幾日經過淘大廣場，咁啱想食個下午茶，食少少嘢，見到呢間嘢，知道係連鎖店，覺得有保證，所以先入去食。嗌咗一碟炸雞，一卷牛肉紫菜包飯，同埋一杯凍嘅麥芽嘅飲品。首先講碟炸雞，雪味好重，炸得好油，有陣怪味，又有啲苦味，要點醬先可以勉強擺到落口，要50蚊一碟，真係完全唔值呢個價。然後係牛肉紫菜包飯，我本身諗住紫菜包飯實冇死，其實係幾足料嘅，畢竟40蚊一條，點知一擺落口又係伏，其他餡料完全冇問題，係個牛肉極！咸！我平時係個食開重口味嘅人都食唔落。最後係杯凍嘅麥芽飲品，算係最唔伏嗰樣，喺啲冰未溶之前，飲落去甜到確喉，好似飲緊糖漿咁，係啲冰溶咗，溝淡咗杯嘢，陣味先正常返少少。唔清楚其他分店係咪都咁差，總之以後見到呢間嘢都唔會再食
嗌咗一碟炸雞，一卷牛肉紫菜包飯，同埋一杯凍嘅麥芽嘅飲品。
首先講碟炸雞，雪味好重，炸得好油，有陣怪味，又有啲苦味，要點醬先可以勉強擺到落口，要50蚊一碟，真係完全唔值呢個價。
然後係牛肉紫菜包飯，我本身諗住紫菜包飯實冇死，其實係幾足料嘅，畢竟40蚊一條，點知一擺落口又係伏，其他餡料完全冇問題，係個牛肉極！咸！我平時係個食開重口味嘅人都食唔落。
最後係杯凍嘅麥芽飲品，算係最唔伏嗰樣，喺啲冰未溶之前，飲落去甜到確喉，好似飲緊糖漿咁，係啲冰溶咗，溝淡咗杯嘢，陣味先正常返少少。
唔清楚其他分店係咪都咁差，總之以後見到呢間嘢都唔會再食
張貼
