永年士多 (寶城洋樓)

營業中

休息中

尋晚睇完煙花再去朋友屋企打幾圈，起身都好晏，行過永年士多就買碗麵返屋企食，今次點咗碗豬皮、豬紅、豬腸米粉，大辣，湯分開上，費事浸到淋哂。返到屋企，碗麵同碗湯都仲好熱，大辣嘅辣醬就係咁放喺碗麵上面。倒碗湯落去，攪勻之後就開始勁辣之旅。初初食嗰時唔係咁辣，不過食多兩啖啲辣就嚟料。平時食得好辣嘅我都差唔多要投降，不過都挨到食晒。嗰3樣餸都好入味，難得豬紅咬落去都入面都入到味，豬腸肥膏都唔係太多，唔係咁食得辣咁朋友就要諗吓叫乜嘢辣。