影片
更多
2023-01-20
69 瀏覽
長沙灣鳥海山鐵板燒，餐廳個名得得意意，裝修簡潔企理有風味，俾人感受到一種日本餐廳嚴謹嘅態度。跟住同朋友就分別揀咗佢嘅和牛一人前同虎蝦一人前。隨即沙律就送上啦，個汁酸酸溜溜，幾開胃，唔鍾意食菜嘅小朋友都會鍾意食。之後就上咗四點刺身，因為全部都係魚生，我就唔食嘅，朋友就話魚生新鮮，有咬口。接住落嚟就係兩塊都唔細舊嘅比目魚，煎到金黃色，賣相相當吸引，咬落去煎嘅部份微硬，同我預想中好滑溜嘅與質感有少少唔同，但味道都唔錯～清酒煮蜆，每隻蜆都大大粒，脹卜卜，湯底偏鹹，第一啖好飲，但越飲就越鹹。魷魚筒，我同朋友一致覺得魷魚新鮮但真係幾鹹。虎蝦賣相靚仔，食落彈下爽身，唔錯！M9和牛，質感唔係嗰種入口即溶嘅牛，但係牛味相當重。炒飯粒粒金黃，朋友覺得味道偏淡，我就覺得啱啱好。最後嘅炒雜菜其實我好滿意，蔬菜新鮮清甜，調味適中，朋友唔鍾意食菜，我自己一個人清晒。好滿足嘅一餐鐵板燒～
跟住同朋友就分別揀咗佢嘅和牛一人前同虎蝦一人前。
隨即沙律就送上啦，個汁酸酸溜溜，幾開胃，唔鍾意食菜嘅小朋友都會鍾意食。
之後就上咗四點刺身，因為全部都係魚生，我就唔食嘅，朋友就話魚生新鮮，有咬口。
接住落嚟就係兩塊都唔細舊嘅比目魚，煎到金黃色，賣相相當吸引，咬落去煎嘅部份微硬，同我預想中好滑溜嘅與質感有少少唔同，但味道都唔錯～
清酒煮蜆，每隻蜆都大大粒，脹卜卜，湯底偏鹹，第一啖好飲，但越飲就越鹹。
魷魚筒，我同朋友一致覺得魷魚新鮮但真係幾鹹。
虎蝦賣相靚仔，食落彈下爽身，唔錯！
M9和牛，質感唔係嗰種入口即溶嘅牛，但係牛味相當重。
炒飯粒粒金黃，朋友覺得味道偏淡，我就覺得啱啱好。
最後嘅炒雜菜其實我好滿意，蔬菜新鮮清甜，調味適中，朋友唔鍾意食菜，我自己一個人清晒。
好滿足嘅一餐鐵板燒～
張貼
