影片
更多
2024-02-09
43 瀏覽
今日喺花墟買完花，終於有機會試吓呢間新開嘅餐廳喇！呢排天氣咁凍，真係特別想食羊肉，依家要揾主打食羊嘅舖頭真係唔多，所以點都要試下，簡簡單單，淨係叫左羊肉炒麵、當歸羊排湯、孜然羊肉、涼拌木耳。飯前開胃小食，我通常都食d酸酸甜甜嘅小食，涼拌木耳啱晒，唔會油膩，酸甜爽口羊肉炒麵好抵食，價錢唔貴又大碟，裏面嘅大葱同洋蔥炒得好香，又多羊肉片。碟孜然羊肉又係好大碟，孜然粉同羊肉簡直就係perfect match，上枱已經聞到好濃嘅羊肉香，加埋香芹、洋蔥、辣椒，撈飯食一流最surprise係個當歸羊排湯，睇落好似無特別，都係杞子、當歸、圓肉、紅棗，同埋羊肉，但一入口就知佢真係無味精，真材實料，我成日手凍腳凍，飲完真係超級暖身，女士間中飲下應該都幾補身後尾見到個大廚走左出嚟，多口問幾句，原來佢話d羊肉真係蒙古羊，唔係平日我哋自己喺街市買嗰啲羊肉，唔怪得佢d羊肉味比我平日食嗰d個味更突出。佢仲話d孜然粉都唔係平時我哋喺supermarket買嗰d，好似喺新疆(唔知有冇記錯)入貨，佢好開心咁講佢嘅家鄉，feel到佢真係好用心咁去煮每一個菜式，覺得好神奇，竟然可以喺香港食到咁正宗嘅蒙古菜
飯前開胃小食，我通常都食d酸酸甜甜嘅小食，涼拌木耳啱晒，唔會油膩，酸甜爽口
羊肉炒麵好抵食，價錢唔貴又大碟，裏面嘅大葱同洋蔥炒得好香，又多羊肉片。
碟孜然羊肉又係好大碟，孜然粉同羊肉簡直就係perfect match，上枱已經聞到好濃嘅羊肉香，加埋香芹、洋蔥、辣椒，撈飯食一流
最surprise係個當歸羊排湯，睇落好似無特別，都係杞子、當歸、圓肉、紅棗，同埋羊肉，但一入口就知佢真係無味精，真材實料，我成日手凍腳凍，飲完真係超級暖身，女士間中飲下應該都幾補身
後尾見到個大廚走左出嚟，多口問幾句，原來佢話d羊肉真係蒙古羊，唔係平日我哋自己喺街市買嗰啲羊肉，唔怪得佢d羊肉味比我平日食嗰d個味更突出。佢仲話d孜然粉都唔係平時我哋喺supermarket買嗰d，好似喺新疆(唔知有冇記錯)入貨，佢好開心咁講佢嘅家鄉，feel到佢真係好用心咁去煮每一個菜式，覺得好神奇，竟然可以喺香港食到咁正宗嘅蒙古菜
張貼
