銓仔記海鮮晚飯小菜

營業中

休息中

成日同班朋友都會特別鍾意去大排檔，因為可以大大聲傾偈飲啤酒，雖然都唔會理嘢食好唔好食，但係朋友介紹呢間大排檔又好坐，而且食物又好食，咁就一於嚟試吓啦。首先你就叫咗個小炒王嚟送酒，佢嘅小炒王入面有好多魷魚同蝦米，絕對同出面剩係得啲韭菜洋蔥嘅唔同。而且調味啱啱好，送酒一流啊。另外我哋仲叫咗個椒鹽豆腐拼茄子，兩個都非常開胃，雖然落咗啲椒鹽但係都唔會太辣，唔食得辣嘅朋友都食到。而且佢嘅豆腐好香軟，外脆內嫩真係一流。我以為大排當最分水嶺嘅就薯仔牛柳粒，呢度嘅薯仔口感好好，唔會腍啤啤，而且調味都一流，唔會太鹹亦都唔會太辣。最重要嘅牛柳粒烹調時間啱啱好，牛尾好足夠，一碟可以送幾碗飯啊。呢間大排檔又抵食又好坐，非常推薦大家同朋友聚會嚟呢度啊。