城中鴨子

營業中

休息中

聽聞好多人食要排好耐先食得，所以五點鬆啲已經去排，不過最後都係8:30先食得。如果想七點食嘅話可能要四點去排。等飛嗰度好奇怪，唔知點解三至八人枱去到三十幾，但係兩人枱仲喺十幾，完全唔俾兩人入去。入到去佢同我哋講片皮鴨要等，所以使唔使落住先，我哋話好，佢幫我哋落。之後仲嗌左松子魚，龍蝦湯，小籠包，同兩杯嘢飲。片皮鴨靚就幾靚，但係淡而無味，勁油，份量又少，邊有半隻？出面求其搵間都好食過佢。松子魚又係得四舊，又話係半條，不過味道就還可接受。龍蝦湯同小籠包就正常。兩杯嘢飲淡而無味。用咗coupon都覺得唔抵食，以後唔會再幫襯。