影片
更多
2019-10-02
1614 瀏覽
周不時會經過山道底，都會見到呢間酒店仔有間食馬拉菜嘅，聽講好出名，呢晚終於有機會試下。餐廳環境比較暗，但都幾大幾闊落，坐得舒服，可能係「酒店」啦😂。以馬拉菜嚟講，食物定價都比較貴，小食最平都$8x，飯麵類就座底$1xx。不過有名氣嘛，又未試過，所以試下，亦都暗地裡有啲期望。小食要咗水粿(5件)($88)，見到張圖好得意咁，又未食過。實物同圖片一樣，但味道同我想像中唔同，唔好食，唔係好啱我胃口😅。水粿下面係米糕，味道淡淡地口感就粉粉地，但上面啲醬有啲重口味，又辣🌶又鹹，唔係好食得出係乜嚟。我只係食咗一嚿，比個frd食咗四嚿。飯類叫咗椰漿飯拼盤($128)，一見到即刻想🤬X出聲🙈，個樣勁頹同勁乾，而食落比眼見更乾...，炸雞、花生、魚乾仔、青瓜、蛋同飯都好乾😑，雞肉好鞋無肉又多骨，飯又無椰漿味，魚仔又臭臭地(但好似正常係臭的)。我食咗兩啖就停手了👎🏿。麵類叫咗檳城亞參叻沙($128)，個湯底普普通通，比較油，又無乜椰香味，食完有啲口乾😩。餸料都算多嘅，有蝦(唔太新鮮)、魚片、蛋、豆卜等，無乜特別。至於啲麵，就有啲似幼身米線/油麵，掛湯一般，但個湯都唔掂，無乜所謂。最後就係甜品，叫咗兩樣，蒸
水粿
$88
35 瀏覽
0 讚好
0 留言
小食要咗水粿(5件)($88)，見到張圖好得意咁，又未食過。實物同圖片一樣，但味道同我想像中唔同，唔好食，唔係好啱我胃口😅。水粿下面係米糕，味道淡淡地口感就粉粉地，但上面啲醬有啲重口味，又辣🌶又鹹，唔係好食得出係乜嚟。我只係食咗一嚿，比個frd食咗四嚿。
椰漿餅拼盤
$128
39 瀏覽
0 讚好
0 留言
飯類叫咗椰漿飯拼盤($128)，一見到即刻想🤬X出聲🙈，個樣勁頹同勁乾，而食落比眼見更乾...，炸雞、花生、魚乾仔、青瓜、蛋同飯都好乾😑，雞肉好鞋無肉又多骨，飯又無椰漿味，魚仔又臭臭地(但好似正常係臭的)。我食咗兩啖就停手了👎🏿。
檳城亞參叻沙
$128
33 瀏覽
1 讚好
0 留言
麵類叫咗檳城亞參叻沙($128)，個湯底普普通通，比較油，又無乜椰香味，食完有啲口乾😩。餸料都算多嘅，有蝦(唔太新鮮)、魚片、蛋、豆卜等，無乜特別。至於啲麵，就有啲似幼身米線/油麵，掛湯一般，但個湯都唔掂，無乜所謂。
最後就係甜品，叫咗兩樣，蒸三色西米糕🍡($58)，我其實都係因為見到呢個甜品個樣好靚，先至留意呢間餐廳，所以嚟呢到食就一定要嗌呢個甜品。嚟到發現原來個size係咁mini，我以為係好高身嗰啲🙈。食完咸食已經對甜品無期望，所以都無乜失望。嚿糕唔夠熱，食落痴牙，味道正常但唔夠香，下低就有啲黑糖咁。好彩唔大嚿，因為食落會膩唔想食。
蒸三色西米糕
$58
29 瀏覽
0 讚好
0 留言
椰汁果凍($58)，呢個係成餐入面最好食，椰香味濃🥥，好似真係食緊椰青咁，有椰肉又有椰水。不過份量好小啊，幾啖無咗。
椰汁果凍
$58
30 瀏覽
0 讚好
0 留言
總括嚟講，成餐飯得啲甜品勉強叫做合格，但咸食真係不了。定價係出面2-3倍😨，但人地好食多多聲，at least你免費請我都無下次，性價比極低...，每人$250唔好食又唔係好飽(份量小)，真係諗唔明點解會出名囉...。一碗叻沙要成舊水，真係好貴，好食都貴啦，何況仲要咁普通囉。服務一般啦，主要得外籍店員。我真係唔會推介呢間餐廳👎🏿。
張貼
