燒肉の牛太・本陣 (創紀之城五期(apm))

營業中

休息中

返咗成個星期工，放假就梗係想對自己好啲食好啲今個星期就近近地揀喺觀塘食基本上去到觀塘都唔會諗太多，就會直接衝上APM。因為咁多間食肆緊會有一間啱心水。雖然今日係假期，但係原來佢都有午市套餐(60mins)唔似以前剩係得放題。以前放題嘅話下下都幾百蚊一位。而家午市套餐平均百幾蚊一個人，就有成個套餐有肉、有飯、有湯、有嘢飲又甜品仲有可以夾佢個新嘅自助沙律吧！可以食多啲蔬菜，立即覺得好健康！而且我鍾意佢嘢飲，唔一定係要汽水佢有罐罐裝烏龍茶揀，變咗唔使一定要飲甜嘢。我叫嘅combo上級牛肋肉套餐，只係需要$139🤪假期仲要喺商場食，坐得舒舒服服，性價比非常好見佢一點左右就開始多人，所以如果有心去嘅話建議不妨早少少。咁就唔使擔心要等位。