功夫點心

營業中

休息中

過農曆年，糕品配粥喺唔少得嘅早餐選項之一，皆因總有機會從朋友或親友間收到一啲糕點嘅賀年禮盒。多謝朋友送來兩盒出自「功夫點心」嘅賀年禮盒：臘味蘿蔔糕及椰汁年糕，讓小弟跟家人又有餐免費糕點食吓！不論蘿蔔糕定年糕，每盒淨重900g，非常墜手。而佢哋啲糕榜明香港製造，不含人工香料，絕無添加色素，所以食用期短，但叫人食得安心。臘味蘿蔔糕蘿蔔糕糕面蝦米鋪得滿滿，糕內亦混有唔少蝦米同臘味，而且，粗條蘿蔔清晰可見，雖然質感有些微削身，但入口咬落有一條條蘿蔔嘅口感，又清甜，配合鹹鮮嘅蝦米、臘腸，味道真喺唔錯！椰汁年糕年糕輕煎後，質感軟糯綿綿，焦香煙韌卻唔黏牙，而且，椰汁味都算突出，有朕朕椰汁清香，配一杯濃茶就最理想！功夫點心以賣點心作為主打，其糕點都唔會差得去邊，但要功高蓋主，即喺要啲糕品做到讓人有好深刻嘅印象，還需假以時日。