翠華餐廳 (已結業)

話說前排行海濱匯發現翠華出左新韓風menu🇰🇷🇰🇷覺得幾特別，於是就入左去試試～～呢間裝修偏小清新，有落地玻璃設計，地方乾淨光猛～～週末午市都有set lunch，包主菜、餐湯/沙律、甜品同飲品，都幾抵食🤩🤩🍕千島海鮮薄餅 $78✨估唔到竟然有自家製手拉pizza，仲有幾款口味可以揀～～pizza係薄批黎～望落都好足料，面頭鋪滿海鮮同芝士😋😋食落千島醬味都好出～餅底夠香脆，唔錯！！🍲韓式溫泉蛋牛肉石鍋飯 $80✨份量好多！裡面有牛肉、蘿蔔粒、菠菜同溫泉蛋，撈勻之後就好有韓式拌飯既感覺🤤🤤餐廳仲提供豉油同韓式辣醬，唔食得辣既朋友就可以只係落豉油～～🍝韓式牛肉炒粉絲 $76✨味道幾正宗～仲有好多牛肉，肉質偏淋～～粉絲口感彈牙，食落甜甜地好香麻油味😋😋🍗韓式芝士炸雞 $40✨芝士份量好多，可以做到拉絲既感覺！！炸雞外脆內軟，熱辣辣好juicy，推介👍🏻👍🏻是日餐湯係羅宋湯，酸酸甜甜幾開胃～～沙律都幾新鮮～而甜品就係牛奶布丁，口感軟滑🤤🤤飲品方面叫左柚子檸檬梳打(+$8)同凍檸茶🍹🍹兩杯都好fresh，夠解渴～～