餐廳主打韓式西餐，每道菜式都加入咗signature韓料特質，成個感覺幾創新。套餐價都算幾抵食，+$48會包埋餐湯、飲品同甜品🤫見隔離枱特飲都好靚，就決定+$66 揀埋特飲
🌀 火炙北海道帶子配海鮮炸醬意粉
使用韓式海鮮醬，成個配搭幾得意🙊 北海道帶子串都幾靚，表面微微燒香，口感依然軟嫩有少少似刺身👻
🌀 魚糕串辛辣麵卡邦尼意粉
成個presentation好靚📯 伴碟有巨型年魚糕串、exactly同韓國餐廳既魚糕串一模一樣! 意粉以辛辣麵調味粉同忌廉醬混合調味，食落帶點辣度好惹味🙋🏻♀️發現加咗媽咪麵碎，食落脆脆地
🌀 UNNIE 炸雞翼
可以選擇原味/ 甜辣/ 蜂蜜蒜蓉/ 蜜糖芥末，雞翼大大隻啖啖肉，表面醬汁略嫌太多🙈
🌀 雪嶽山青提牛奶 & 焦糖鮮奶咖啡
青提牛奶真係睇到好似雪山咁，底下有蘆薈粒粒。焦糖鮮奶咖啡加咗勁多焦糖蜂巢脆餅，好澎湃。
🌀 朱古力芝士蛋糕 & 抹茶芝士蛋糕
每日都有5款蛋糕揀，仲可以+$28 變成甜品放題tim! 幾推薦朱古力芝士蛋糕，細膩芝士配搭濃郁朱古力味～
2
