影片
更多
2021-10-01
2981 瀏覽
呢日放工去咗北角搵朋友食飯，佢話之前同屋企人喺「Briketenia」食過午餐覺得唔錯，所以今晚就帶我嚟試吓。餐廳座落於北角匯商場，雖然玻璃有啲反光，但都叫做係對住維港海景㗎🌃。店內座位唔多，裝修幾有氣派，情侶拍拖或三五知己聚會都好適合👍。男店員近乎一個人包辦晒餐廳嘅樓面工作，不過佢能應付自如，態度有禮，而且影相技術仲好好添，哈哈。餐廳提供晚市套餐🍽，價錢由$468至$568不等，前菜及主菜均有多款選擇。我認為定價算幾進取，始終呢度唔係最旺嘅商業購物區嘛。Amuse Bouche係指餐前開胃小食，佢同前菜Appetizer有少少唔同，因為佢未必係由客人點餐，反而係由廚師發辦嘅精緻開胃菜。是日款式係明太子腐皮蝦卷🍤，腐皮質感酥脆，明太子富有鹹香，蝦肉爽彈，中間嘅香葉更能進一步提升香氣。餐包有四片法包🥖，偏厚實飽肚，個醬微微酸，比起一般蘸橄欖油特別。牛肉他他配日式壽司飯(+$68)，呢個牛肉他他令我食得好安心，佢完全無怪味之餘，口感亦都好清爽。🐮他他好惹味，牛肉之間加入咗生洋蔥粒、細蔥、生鵪鶉蛋、麻油同日式醬油，味道層次豐富。底部仲配咗壽司飯，索味一流🍚，無得頂。法式鵝肝焦糖燉蛋配田園沙律
呢日放工去咗北角搵朋友食飯，佢話之前同屋企人喺「Briketenia」食過午餐覺得唔錯，所以今晚就帶我嚟試吓。餐廳座落於北角匯商場，雖然玻璃有啲反光，但都叫做係對住維港海景㗎🌃。
店內座位唔多，裝修幾有氣派，情侶拍拖或三五知己聚會都好適合👍。男店員近乎一個人包辦晒餐廳嘅樓面工作，不過佢能應付自如，態度有禮，而且影相技術仲好好添，哈哈。
餐廳提供晚市套餐🍽，價錢由$468至$568不等，前菜及主菜均有多款選擇。我認為定價算幾進取，始終呢度唔係最旺嘅商業購物區嘛。
Amuse Bouche係指餐前開胃小食，佢同前菜Appetizer有少少唔同，因為佢未必係由客人點餐，反而係由廚師發辦嘅精緻開胃菜。是日款式係明太子腐皮蝦卷🍤，腐皮質感酥脆，明太子富有鹹香，蝦肉爽彈，中間嘅香葉更能進一步提升香氣。
餐包有四片法包🥖，偏厚實飽肚，個醬微微酸，比起一般蘸橄欖油特別。
牛肉他他配日式壽司飯
29 瀏覽
0 讚好
0 留言
法式鵝肝焦糖燉蛋
29 瀏覽
0 讚好
0 留言
唔知係咪驚鵝肝油膩，所以搭多兜沙律菜🥗。
法式洋蔥湯
20 瀏覽
0 讚好
0 留言
香燒美國肉眼扒配薯蓉什菜($498)，🥩牛扒大大塊，表面有明顯嘅烤紋，並富有炭燒嘅香氣。原來上菜時廚師已經將牛扒切件，從呈嫩粉紅色嘅肉身可以清晰見到牛扒煮至五成熟。牛扒中間位置有條筋，所以附近位置有啲啲韌。牛扒肉味幾香，簡單用鹽調味已經唔錯。如果鍾意重味啲，就記得要試埋佢個牛肉汁。伴旁有少量烤蔬菜同薯蓉🥔，係簡單而美味嘅組合。
香煎味噌黑鱈魚伴蘆筍蓉($468)，🐟鱈魚果然係鱈魚，魚皮煎得香脆，魚肉爽彈嫩滑，並且散發住魚油香。鱈魚以外，味噌醬汁伴蔬菜亦係呢道菜式嘅精華所在。醬汁帶點牛油香，令清淡嘅蔬菜變得滋味，但又唔會過火。💚蔬菜種類繁多，包括有蘆筍、三色椒、四季豆同雜菇等。基本上食晒成碟會好有滿足感，因為一次過食到多樣食材。
總括嚟講，呢餐晚餐幾有水準😋，除咗好食之外，我欣賞菜式設計有創意，佢能夠將日式元素自然融入於西餐內，毫無違和感。前菜係全晚最驚喜嘅部份，而且份量出奇地多，食完都飽咗一半。不過如果晚餐可以包埋甜品就更完滿，即使飽，但甜品係放另一個胃㗎嘛😝。
張貼
