寶哥火鍋味館 (已結業)

天氣涼，最岩又係打邊爐時間,呢到係卡位形式，感覺舒服，環境不錯飲品係自助，有汽水，竹蔗水及酸梅湯，如果有零糖可樂就更加好湯底揀左其他火鍋店鮮有的猴頭菇鯊魚骨湯底湯底用料十足，仲有加上紅棗等配料，但我個人喜歡更加濃味湯底，因為我不太愛點醬，喜歡原汁原味，但湯底鮮甜好香刺身好鮮好甜，特別有牛牛刺身，牛味香濃，吞拿魚厚切，象拔蚌口感煙韌象拔蚌真係好鮮甜，口感超正海鮮份量十足，特別係鮑魚，好彈牙，而帶子夠鮮甜，其他海鮮都好鮮仲有呢碟美國特級天然封門柳，濃濃的牛味，其實我係第一次食，好好食，肉質帶點煙韌仲有三款手打丸，墨魚丸，牛丸及魚丸，煮熟後好彈牙又夠味，平時少吃丸類既我都食曬而皇帝菜及蕃薯苗亦係必點，平常其他火鍋店好少會有，好新鮮爽脆招牌炸響鈴好大件好香脆最後點左個爽滑重慶粉，夠爽又夠滑，不錯呢到既火鍋放題有3小時，唔洗成日食到趕頭趕命，可以慢慢享受，而且用料新鮮，湯底選擇多，定價公道，值得再來！