逸之燒 (已結業)

呢條街嘅餐廳都幾多今晚揀左日本野因為真係好想食刺身😌😌見佢門面都幾靚啊，應該穩陣😁😁佢哋Menu選擇算多元化，除咗刺身壽司，仲有串燒、飯、烏冬、鍋物，選擇困難症嘅話，都真係需要多少少時間揀😆😆因為係特登嚟食刺身，叫咗個二人雜錦刺身盛！！ 肥美！！每一件都係厚切，鮮甜肥美，尤其是拖羅，油脂十足，每咬一下都係超級享受🔥🔥店員推介叫咗一客赤貝刺身佢個樣真係冇得輸，好厚肉！顏色又靚，夠晒新鮮，味道鮮甜，唔錯👍🏼👍🏼睇Menu嘅時候，除咗刺身，有心多，想食埋燒魚。最近發現日本餐廳嘅燒魚都係唔錯嘅選擇，起碼佢哋啲魚夠新鮮😁😁燒池魚，我最鍾意係啲魚皮，好香脆。唔算多骨，主要係中間同埋兩邊魚翅骨，所以食起上嚟都OK方便。魚肉唔會太乾，仲可以點醬汁，有少少柚子味，都幾清新同埋幾得意😋😋皇帝蟹炒飯非常足料，好多蟹肉，一絲絲，冇食到骨碎，抵讚！食完刺身，食少少炒飯，暖粒粒，岩晒鍾意澱粉質既我🥰🥰整體來講，佢哋嘅環境、食物真係唔錯，令人食起上嚟享受之餘又放心☺️☺️一分錢一分貨，優質之選～