新匯聚餐廳小廚

營業中

休息中

如果問呢間大排檔同其他有咩分別，其中一個最明顯嘅我會覺得係人情味🥺呢度啲員工全部都好好，會主動過嚟問有乜要幫手或者啲嘢好唔好食。有次同小朋友嚟食，佢哋仲會關心小朋友坐得舒唔舒服，要唔要搵嘢墊下張凳，所以好多時想食小菜，都會諗起呢間！加上佢嘅嘢食普遍都幾好食，特別係薯仔牛柳粒同埋炸蠔餅，薯仔加蜜糖甜甜地，牛柳粒又好嫩好岩送飯！而蠔餅勁大份，入邊好多粒蠔肉，炸得啱啱好，唔會好粉。佢有好多款唔同嘅菜式，基本上大人細路都會搵到自己想食嘅嘢。