合發茶餐廳

營業中

休息中

話說我要去旺中做facial，點知早咗成個幾鐘到。唯有喺朗豪坊hea。見時間尚早，不如搵個地方食啲野。 忽然醒起呢間合發茶餐廳喺附近。因為我好小食呢類下午茶，我睇咗好一陣子餐牌。最後揀咗，芝士西多士。其實佢仲有蛋白西多士，落完單後先發現仲有芝士火腿西多士。芝士西多士一放上枱，就係普通西多士既樣子。中間切咗一下，諗住擺靚啲影張相，點知啲芝士就流出嚟。影完相，就繼續切啦。啲芝士唔孤寒喎， 唔只得中間有，勁貼邊。每一啖西多都有芝士。 總結，我覺得幾好。